Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Itsas sektorera bideratutako energia biltegiratzeko sistemak aztertzeko jardunaldia
![Card image cap](https://www.tulankide.com/eu/itsas-sektorera-bideratutako-energia-biltegiratzeko-sistemak-aztertzeko-jardunaldia/@@images/f3462fba-39da-4771-812b-5cfe05296ad9.jpeg)
Mondragon Unibertsitateko Goi Eskola Politeknikoa buru-belarri ari da energia biltegiratzeko sistema berriak ikertzen, bai eta trantsizio energetikoaren funtsezko sektore horretan egindako aurkikuntzak komunitate zientifikoaren artean zabaltzen ere. Kasu honetan, datorren ostiralean, ekainak 10, workshop akademiko bat zuzenduko du Goi Eskola Politeknikoak (goizeko 09:00etatik arratsaldeko 16:30ra), osorik ingelesez, ontzigintzarako edo itsas industriarako energia biltegiratzeko sistema hibridoei buruz. Galarretako Orona Ideo campusean (Hernani) izango da saioa, eta online jarraitu ahal izango da.
Itsasoko propultsio elektrikoa oraindik ez dago nahikoa garatuta. Horren ondorioz itsasontzien bateriak automobilenak baino nabarmen garestiagoak dira, eta ontzientzako soluzio integratuak oraindik ez dira merkaturatzen hasi.
Izan ere, itsasoko isuriak murrizteko eta eraginkortasuna handitzeko funtsezko teknologia bat da elektrifikazioa. Hala ere, itsasoko propultsio elektrikoa oraindik ez dago nahikoa garatuta. Horren ondorioz itsasontzien bateriak automobilenak baino nabarmen garestiagoak dira, eta ontzientzako soluzio integratuak oraindik ez dira merkaturatzen hasi.
Testuinguru horretan, hainbat arlotako adituek energia handiko eta potentzia handiko bateria modularren konbinazioaren erronkak eta irtenbideak aurkeztuko dituzte, besteak beste, bai eta bihurgailuen kontzeptu berriak eta automozioaren sektoretik eratorritako beste soluzio teknologiko batzuk ere. Mondragon Unibertsitateak antolatutako workshopa Europako SEABAT «Solutions for large batteries for waterborne transport» proiektuaren parte da. Europako Batzordeak finantzatzen du proiektu hori.
Premisa horrekin, hainbat galderari erantzungo die workshopak; esaterako, zein diren merkatuaren beharrak, zein diren gaur egun baterien bidez elektrifikatzen ari diren itsas erabilerak, zein itsas erabilerak erabiliko dituzten bateriak etorkizun hurbilean, zein diren bateria-sistemaren betekizunak, zein bihurgailu-mota diren egokienak erabilera horietarako, nola egin diseinuaren eta kostuen ebaluazio optimoa, eta abar.
Workshopa aurrez aurre edo online jarraitu nahi dutenek beheko loturan eman behar dute izena, eta han ere egitaraua aurkituko dute.
IZEN-EMATEA (PRESENTZIALA ETA ONLINE)