Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Intergune 2022 abian da
![Card image cap](https://www.tulankide.com/eu/intergune-2022-abian-da/@@images/e473e174-c143-4659-a635-0f4816efe724.jpeg)
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak inauguratu du foroa gaur goizean. Inaugurazioan egindako hitzaldian fokoa jarri du Asian -Eusko Jaurlaritzak aurten inauguratuko du bulego komertzial bat Japonian eta jarrian beste bi Hego Korean eta Turkian- eta esan du kanpoan ekoizteak "ezin gaituela gure fabrikazioa kanporatzera eraman behar".
Intergune Spri Taldeko Euskadiko Nazioartekotze Agentziak-Basque Trade & Investment-ek antolatzen du. Helburua da industria sektoreko, zerbitzuetako, bestelako klusterrak, erakunde finantzarioak, instituzioak eta nazioarteko bokazioa duen talentu gazteak erakartzea bertara
Intergune Spri Taldeko Euskadiko Nazioartekotze Agentziak-Basque Trade & Investment-ek antolatzen du. Helburua da industria sektoreko, zerbitzuetako, bestelako klusterrak, erakunde finantzarioak, instituzioak eta nazioarteko bokazioa duen talentu gazteak erakartzea bertara.
Familia-argazkia, Intergune hasi baino lehen, Arantxa Tapia sailburua erdi-erdian dela.
Aratxa Tapia sailburuaren sarrerako hitzaldiaren ondoren Daniele Fraiettak hartu du hitza. Fraietta Fich Solutions-eko kide da eta aditua da munduko ekonomian. 2023ko ikuspegi makroekonomikoa aurkeztu du eta esan duenez, 2023an munduko ekonomiak behera egingo du nabarmen, baina atzeralditan sartu gabe. Perspektiba onenak Asia-Pazifiko ingurunean izango dira eta bereziki Txinan. EE.UU.k eta eurozonak ikuspegi okerragoak dituzte, eta inguru horietan zifra negatiboa izan dezake BPGaren eboluzioak.
"Emakumeak eta nazioartekotzea"
BECera gerturatu direnek mahai-inguru interesgarri bat bertatik bertara bizitzeko aukera izan dute. Emakumeak eta nazioartekotzearen ingurumarian aritu dira, hurrenez hurren; Iratxe de las Hayas (Smart Jidoka-ko aholkularia), Ainhoa Ondarzabal (Basque Trade nazioartekotze euskal agentziakoa), Sonia Gonzalez (Arteche), Maider Nuñez (Sisteplant) eta Esther Korta (Dikar).
Intergune, dibertsitate-gune bilakatuko da egunotan.
Mahai-inguruan askotariko ekarpenak izan dira eta argi geratu da, bai hezkuntzan, administrazio publikoan eta enpresetan aldaketak egin behar direla 'aukera-berdintasunaren' alde. Dibertsitatea, emakumeen ahalduntzea eta emakume inspiratzaileen promozioa ere behar beharrezkoak direla aipatu dute.
Informazio gehiago: https://agenda.spri.eus/intergune/