Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Iñigo Albizuri: "Giza desberdinkeria murrizteko hazten jarraitzea da kooperatibismoaren etorkizuneko erronka handiena"
![Card image cap](https://www.tulankide.com/eu/inigo-albizuri-giza-desberdinkeria-murrizteko-hazten-jarraitzea-da-kooperatibismoaren-etorkizuneko-erronka-handiena/@@images/99856839-c420-4751-942c-b13031512132.jpeg)
Iñigo Albizurik, MONDRAGONeko Harreman Instituzionaleko zuzendariak ordezkatuko du Korporazioa ekainaren 19tik 22ra Sevillan egingo den Kooperatibismoaren nazioarteko topaketan. COCETA erakundeak antolatuko du mungu mailako topaketa eta Iñigo Albizurirekin hitz egiteko aukera izan dugu kongresura abiatu aurretik.
- Zer da kooperatibismoaren munduko topaketa eta zeintzuk dira bertan jorratuko duzuen arloak?
Kooperatibismoaren munduko topaketa mundu guztitik datozen kooperatibak elkartzeko lekua da. Bertan 600 pertsona inguru biltzen gara eta topaketen helburuetako bat kontseilu errektorea aukeratzea da. Bestalde, elkargune bat ere bada, eta aukera ematen digu esperientzia ezberdinak partekatzeko eta elkarren berri edukitzeko. Aurtengoa Sevillan ospatuko da eta bertan izango gara datorren astean.
Marka aldetik kooperatiben munduan izena daukagunez, hori azaltzera goaz eta hor dago gure erronka.
- Zein izango da zure egiteko nagusia kooperatibismoaren topaketan?
Alde batetik nire funtzioa lehen eguneko asanblean parte hartzea da. CICOPAko lehendakari naizenez, kontseilu errektorearen aukeraketa batzarrean parte hartuko dut. Eta bestetik, bigarren egunetik aurrera izaten diren hitzaldietan ere parte hartuko dugu. Nire kasuan lehenengo mahaian egongo naiz, Korporazioa ordezkatzen, eta MONDRAGONeko Kongresuko eta Batzorde Iraunkorreko lehendakari den Leire Mugerza bigarren mahaian egongo da.
- Zer da mahai hauetan aurkituko duguna?
Askotariko gaiak eta gaurkotasuneko arloak jorratzen dira munduko topaketan, eta askotariko erakundeek parte hartzen dute. Esaterako, besteak beste, Mundukidek eta Mondragon Unibertsitateak ere parte hartuko dute eztabaida eta hausnarketa gune horietan.
- Zer eskaintzen dio MONDRAGONek topaketari?
Topaketa hauetan mundu guztiko hainbat kooperatiba elkartzen gara, eta interes handia dago MONDRAGONen. Esan genezake gure korporazioak paper berezia jokatzen duela kooperatibismoaren munduan. Erreferenteak gara eta askotan aipatzen gaituzte. Horregatik, kanpotik datozen hainbatek gure esperientziaren inguruan gehiago jakin nahi izaten dute. Marka aldetik kooperatiben munduan izena daukagunez, hori azaltzera goaz eta hor dago gure erronka. Azkenik, hemendik aurrerako politiketan ere nolabaiteko eragina izatea bada helburuetako bat.
- Dudarik gabe, harreman berriak sortu eta estutzeko baliatuko duzue topaketa.
MONDRAGONera eta Otalorara hainbat pertsona eta erakunde gerturatzen dira mundu guztitik: Canada, Brasil, Japon... Munduko txoko guztietatik datozen horiekin elkartzeko unea izango da, noski. Gainera, arestian aipatu dudan moduan, elkargune bat ere izango da, eta harreman instituzionalak estutzeko balioko digu.