Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Inauguraziorako prest!
'Dorleta' eraikinak aurretik toki berean zegoen izen bereko eraikina ordezkatu du. Ez da, ordea, zaharberritze hutsa izan. Oraingoak, berri-berriak, ostiralean inauguratuko denak, zerikusirik ez du aurrekoarekin. Modernoak azken urteotako historikoaren lekukoa hartu du.
Lursail berean eraiki dute eta aurrekoa ordezkatuko du. Era berean, hark urtetan emandako fruituak eta utzitako ondarearen lekukoa jasoko du. Hark marraztutako bide-orriarekin jarraituko du.
Hala, iragana gogoratuz eta oraina txalotuz, nostalgiaz baina ilusio berriekin hartu gaitu Bego Pedrosa, Mondragon Unibertsitateko Humanitate eta Hezkuntza Zientzien Fakultateko dekanoak fakultate berrian. "Gure hezkuntza proiektuarekin jarraitzeko ezinbestean proiektu arkitektonikoari aurre egin behar genion. Gure hezkuntza proiektuaren beharrak asetzeko ezinbestean behar genuen horrelako eraikin bat, eta gure proiektu pedagogikoan jauzi kualitatiboa egingo dugu".
Aretoz areto, gelaz gela, solairuz solairu egin dugu bisita Bego Pedrosarekin. "Koop kafe gunea, Biblab gunea, Kolaborategia, espazio irekiak, garbiak, ikerketa sustatzeko egokiak, elkarlanean aritzeko apartak eta digitalizazioaren arloan berrikuntza proiektuak bideratzeko guneak eskaintzen dizkio ekipamendu berriak unibertsitate komunitateari".
Ostiralean inaugurazioa eta Mondragon Unibertsitatearen ikasturte hasiera ekitaldia, zuzenean TUlankiden
Eraikin berrian lanez lepo ari dira uneotan ehunka langile, gremio ezberdinetakoak, dena ostiralerako prestatzen. Izan ere, ostiralean egingo da inaugurazio ofiziala eta datorren astetik aurrera ikasleek zeharkatuko dituzte eraikin berriko ateak. Ostiralean, besteak beste, Iñigo Urkullu lehendakaria gerturatuko da Eskoriatzara.
Ekitaldia streaming bitartez eskainiko dute MUtelebistak eta TUlankidek. Beraz, unibertsitatea bertatik bertara ikusteko interesa duen orok, hemen, TUlankiden, aukera paregabea izango du, 11:30etik aurrera. Ordu eta laurdeneko iraupena izango du.