Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
'Ilusio Ponpak' jardunaldiaren hirugarren edizioa urtarrilaren 16an Lea Artibai ikastetxeak antolatuta
Enpresa, hezkuntza eta kirol arloko profesionalek hartuko dute parte jardunaldian, egoera gogorren aurrean positibotasunaren adierazgarriak dira-eta. Jardunaldia Renault Consultingeko zuzendaria den Antonio Fernandez-Alvarezekin hasiko da, 2013an Gaztela-Leongo Giza Baliabideen gainean egindako lanagatik saria irabazi du. Pentsatzeko eran aldaketa sustatu eta pertsonengan inbertitzea defendatzen du krisitik irteteko konponbide bezala.
Ondoren, ibilgailuen industrian erreferentea den Maier kooperatibako Pertsonen departamentuko Aurkene Gabiola arituko da hizketan antolakuntza ereduen garapen estrategikoaren inguruan. Jarraian, mendigoizale eta telebistako protagonista den Alex Txikon arituko da, gainditzearen garrantziaz eta erronka berriei aurre egitearen beharraz hitz egingo du. Lemoatar hau abentura zalea da oso, eta nahiz eta zortzimilakoak egitearen fama izan aizkolaritza eta saltoa bezalako diziplinak ere praktikatzen ditu.
Azkenik, motibazioan eta garapen pertsonaleko entrenatzailea den Carlos Andreu mintzatuko da. Tailerrak eta hitzaldiak eman dizkie mundu mailako 10.000 zuzendariri, gainera, unibertsitate eta negozio eskoletan dihardu irakasle eta hezitzaile lanetan eta "Del ataúd a la cometa” izeneko liburu bat idatzi du. Baikortasunaren eta ilusioaren inguruan hitz egingo du “Baikortasuna eta ilusioa” izenpean. Jardunaldia urtarrilaren 16an egingo da Lea Artibai Ikastetxeko Esperantza aretoan eta ehun bat profesional espero dituzte bertan.