Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Ikuskizun paregabea!
Gasteizko Buesa Arena galaz jantzi zen Humanity At Music hartzeko, eta ikuskizuna itzela izan zen: 60 urteti9k gorako esperientzia kooperatiboari musika, ahotsa, dantza eta batez ere emozioa jarri zion kultura eta kooperatiba lurrikara.
Goiz erditik hasi zen giroa pizten Buesa Arenaren inguruan, Alaia Gunean; bertan izan ziren tailerrak, ekintzak eta erakusketak. Eta hantxe eskaini zuten Pirritx, Porrotx eta Marimotots pailazoek 'Musua' ikuskizuna batutako ume ugariren gozamenerako. Gainera, elikagai artisauak, edariak, food truck-ak... izan ziren.
Ikuskizun erraldoia 18:00etan hasi zen, eta aurreikusi bezala emankizuna bakarra eta errepikaezina izan zen. Ikuskizunaren oinarria Fernando Velazquez-ek, Espainiako Estatuko zinemaren konposatzaile txalotuenetakoak, idatzitako soinu banda izan zen. Jon Sarasuak idatzitako hitzei sinfonia hunkigarria gehitu zion Velazquezek. Hori guztia uneoro Jon Maya zuzendariak gidatutako Kukai Dantza Taldearen koreografiak lagunduta.
Ikuskizun baten kronika
Txistulari dozena batek apurtu zuen isiltasuna galaren hasieran. Eta Pili Kaltzadak ikuskizuna aurkeztu ostean, musika hasi zen 'Obertura'-rekin; horri jarraitu zioten hainbat piezek eta 'Etorkizuna'-rekin borobildu zuten.
Ikuskizunaren aurkezpenean azpimarratu eta gerora hedabide zein sare sozial ugariretan nabarmendu duten bezala "Humanity At Music kontzertu bat baino askoz gehiago izan da. Ikuskizun borobil, dibertigarri eta hunkigarria, aurrekaririk ez duena eta ahaztezina".
Mila artista, tartean Kukai Dantza Taldea, Euskadiko Orkestra Sinfonikoa eta Euskal Herriko abesbatza askotariko ahotsek Gasteizko Buesa Arena hankaz gora jarri zuten Humanity At Music ikuskizunean.
Argazki guztiak ikusgai daude: hemen.