Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
IKERLANek hiru Bikaintek tesi bultzatu ditu, industriara zuzendutako ikerketarekin duen konpromisoa berretsiz
![Card image cap](https://www.tulankide.com/eu/ikerlanek-hiru-bikaintek-tesi-bultzatu-ditu-industriara-zuzendutako-ikerketarekin-duen-konpromisoa-berretsiz/@@images/0cd2f25e-39d0-48ac-8bf2-95bf8dc49fc1.jpeg)
Hiru industria tesiak IKERLANek, unibertsitateak (MU eta EHU-UPV) eta enpresak sakon koordinatuta diseinatu dira, ikerketak enpresen benetako beharrei lotzeko helburuarekin.
“Eusko Jaurlaritzaren Bikaintek programaren barruan garatzen den Unibertsitate – Zentro Teknologiko - Enpresa trinomioari esker –hor kokatzen dira IKERLANen bultzatzen ari garen hiru tesiak–, aukera izango dugu gure espezializazio lerroetan sakontzen jarraitzeko, eta, aldi berean, gure posizionamendua indartzen dugu euskal industriaren erreferentziazko zentro moduan, ezagutzaren transferentziari dagokionez”, adierazi du zentroko Ikerketa eta Nazioarteko zuzendari Ana Martínez Esnaolak.
Espezializazioa benetako erronkak bideratzeko
Doktore tesi berriek IKERLANen apustua indartzen dute inguruko industrian aplikatzeko ezagutza berriak sortzeko, zentroaren espezializazioarekin bat eginda, lantzen dituen hiru arlo handietan: Elektronika, informazio eta komunikazioko teknologiak (EIKT), Energia eta Potentzia Elektronika, eta Fabrikazio Aurreratua.
Hiru egitasmo berri horiek gaur egun IKERLANen baitan garatzen ari diren 36 doktoretzei gehitzen zaizkie, zentroko ikertzaileen lanarekin batera urtero ezagutza berriak sortu ahal izateko, erakundearen espezializazio planari lotuta.
Horretarako, IKERLANek esperientzia eta know-howa dauzka, doktoretza tesiak zuzen bideratuko direla bermatzeko eta, ondorioz, puntako ezagutzak lortzeko eta ikertzaileen trebetasunak eta gaitasunak hobetzeko, industria sareak asko baloratzen baitu hori.