Ikerlanek garatutako Adimen Artifiziala Seguros Lagun Aroren ezbeharren kudeaketa arintzeko

Aseguru-etxeei gorabeheren eta ezbeharren berri ematea eta horien jarraipena egitea lan zaila izan daiteke, eta denbora luzatzea ekar dezake. Bezero-esperientzia hori hobetzea da, hain zuzen ere, TEIAren helburua. Ikusmen artifizialeko algoritmo aurreratuetan oinarritutako adimen artifizialeko (AA) soluzio hau Ikerlan zentro teknologikoak garatu du Seguros Lagun Aro konpainiarentzat, eta ISEAk ere lagundu du horretan.

Irtenbidea baliozkotze-fasean dago, eta Eusko Jaurlaritzaren HAZITEK programaren eta Europar Batasuneko FEDER funtsen finantziazioa du.

TEIA bitrozeramiketako kalteak ebaluatzeko adimen artifiziala erabiltzen duen soluzio berritzaile bat da, gestioak errazteko eta aseguru-parteen ebazpen-denborak laburtzeko helburuarekin. Irtenbidea baliozkotze-fasean dago, eta Eusko Jaurlaritzaren HAZITEK programaren eta Europar Batasuneko FEDER funtsen finantziazioa du.

Ikerlanek garatutako AA algoritmoek bitrozeramiken argazkiak aztertzen dituzte, egiturazko kalteak detektatzeko eta plakari lotutako ezaugarrietatik informazioa ateratzeko, hala nola suaren tamaina, marka edo kopurua. Azken urtean egindako 2.000 argazki baino gehiagoren analisiari esker, algoritmoa nabarmen hobetu da.

TEIAn, Ikerlanek ikusmen artifizialeko teknologietan eta IoT gailuen (gauzen Internet) “begien” garapenean duen esperientzia zabala aplikatu dio berrikuntza teknologikoari eta aseguruen industriarako soluzio adimendunen garapenari. Josu Ircio Ikerlaneko ikertzaileak azaldu duenez, “irudiak estandarizatzeko teknikak eta data augmentation teknikak aplikatu dira, eta horiek lagin sintetikoak sortzen laguntzen dute.

TEIAn, Ikerlanek ikusmen artifizialeko teknologietan eta IoT gailuen (gauzen Internet) “begien” garapenean duen esperientzia zabala aplikatu dio

Horrela, ereduak kalteak orokortzeko aukera ematen duten irudi kopuru nahikoarekin aberasten dira, eta, aldi berean, zehatzagoak eta fidagarriagoak dira. Horrez gain, irudiak etiketatzeko metodologia berritzaile bat garatu da. Aurrez trebatutako ereduen bidez, adituei etiketa-proposamenak emateko gai da metodologia hori, eta, hala, etiketatze-prozesua errazten du, garatutako soluzioaren azpian dauden adimen artifizialeko ereduak entrenatzeko funtsezko alderdia baita".

Aseguru-etxetik, Unai Echevarria garapen-analista eta proiektuaren taldeko kideak azaldu duenez, “TEIAk, gure bezeroei bizitza errazteaz gain, aseguru-sektorean efizientziari eta bezeroarentzako arretari dagokienez estandar berriak ezartzen lagunduko duela espero dugu”. 

Lagun Arori buruz 

Lagun Aro aseguru-etxea arrisku anitzeko produktuetan, automobilean, erantzukizun zibilean, istripuetan, bizitzan eta aurrezkian espezializatuta dago, eta partikularrei, autonomoei eta enpresei zuzenduriko zerbitzuak eskaintzen ditu. Euskal Autonomia Erkidegoan eta Nafarroan eta estatuko 9 autonomia erkidegotan lan egiten du. Aseguruak bitartekaritza-kanalaren (artekariak eta artekaritzak), erakundeen eta banku aseguruen kanalaren bidez merkaturatzen dira, Laboral Kutxaren bulegoen eta online bankuen sarearen bidez.

Iraunkortasunean eta erantzukizun sozialean duen ikuspegiagatik nabarmentzen da, 2018an EthSI (Ethical and Solidarity Based Insurance) bereizgarria jaso baitu, aseguru etiko eta solidarioak aintzatesteko. Egoitza Bilbon duen konpainia hau, Laboral Kutxa Taldearen eta MONDRAGON Korporazioaren parte da.

Ikerlani buruz

Ikerlan zentro liderra da teknologiaren transferentzian eta industriari balio lehiakorra ematen. Soluzio integralak eskaintzen ditu, hiru arlo handitan hainbat domeinu teknologiko konbinatuz: teknologia digitalak eta adimen artifiziala, sistema elektroniko txertatuak eta zibersegurtasuna, eta teknologia mekatronikoak eta energiaren alorrekoak. Gaur egun, 420 pertsonak osatzen dute lantaldea, eta Arrasaten, Donostialdean eta Bilbon ditu egoitzak. MONDRAGON Korporazioko eta Basque Research and Technology Alliance-ko (BRTA) kooperatiba kide gisa, Ikerlan enpresa-eredu jasangarri, lehiakor eta etengabe eraldatzen ari dena da.