Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Ikerlanek eta CAFek elektromugikortasun jasangarriaren arloan soluzioak garatu dituzte
Mugikortasun elektrikoarekin konprometituta daude bai Ikerlan zein CAF. Hala, biek elkarlanean bateriak kargatzeko haririk gabeko sistema garatu dute. Tren garraio jasangarri eta eragikorragoa sustatzeko.
Zalantzarik gabe, arrakasta-kasu berria da honako hau. Ikerlanen ibilbide luze eta emankorraren beste geltoki bat. Oraingoan, gainera, Euskadiko beste konpainia edo marka inportante batekin elkarlanean garatu dute teknologia berria. CAFen eskutik bateriak kargatzeko haririk gabeko sistema garatu dute, tranbiei bateriak geltokietan kargatzeko aukera eskainiz.
Irma Villar da Elektromagnetismo eta Makina Elektrikoen Espezializazio Taldeko arduraduna: "Sistema honek aukera ematen digu bateriak berriz kargatzeko 15 zentimetrora arteko distantziara dauden bi harilen bitartez. Lehenengo harila lur azpian kokatua dago eta bihurgailu baten bitartez konektatzen da sare elektrikoara. Bigarren harila tranbiaren azpian dago kokatuta eta hau ere beste bihurgailu bati konektatzen da".
Hala, tranbia lehenengo harilera gerturatzen denean, korronte bat sortzen du eta honek eremu elektromagnetiko bat sortzen du eta tranbian kokatuta dagoen harilari beste korronte bat eraginez, bateriak kargatzeko behar den potentzia transferituz.