Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Ikerlanek 300dik gora ingeniaritza ikasle batu ditu joera teknologikoen eta talentuaren jardunaldian
Talentua erakartzea, prestatzea eta leialtzea da euskal industriak eta enpresei eta, oro har, gizarteari lehiakorragoak eta jasangarriagoak egiten dizkieten irtenbide teknologikoak garatzen dituzten ikerketa-zentroek aurre egin beharreko erronka handienetako bat. Erronka horren jakitun, Ikerlanek Think Future Talent jardunaldia egin zuen ostiralean Arrasateko (Gipuzkoa) bere egoitza nagusian: joera teknologikoei eta talentuari buruzko ekitaldi handia. 320 pertsona baino gehiagok hartu zuten parte Estatuko bost unibertsitatetako adituen eta ikasleen artean. Ikerlanek digitalizazio industrialean, elektronikan eta robotikan eskaintzen dituen aukera profesionalen berri eman zuen. Ekitaldiaren bigarren zatia soziala izan da. Teknologo gazteek giro ludikoan gozatu eta networking-a egin ahal izan dute foodtruck-en, musikaren eta jokoen artean.
Ikerlanek harrobiaren aldeko apustu irmoa egiten du, hala 380 profesional dituen lan-taldetik 100 ikasleak dira
Prestakuntza eta orientazio profesionalari buruzko jardunaldian, Ikerlanek ikasleen kolektiboari bere erakargarritasun nagusiak aurkeztu zizkion; besteak beste, ikerlarien expertisea, ikerketa-laborategi bereziak, teknologia erabilgarriaren garapenean (ingurune sozioekonomikoa garatzen laguntzen du) edo eredu kooperatiboak eskaintzen dituen garapen profesionaleko aukerak.
Ikerlanen ezaugarriak eta izaera erakusteko ekitaldi aproposa
Ion Etxeberriak, Ikerlaneko zuzendari nagusiak, oso positibotzat jo du jardunaldia, eta azaldu duenez, “gaur egungo ikasleei gurea bezalako zentro teknologiko batek eskaintzen dituen aukera interesgarriak erakutsi nahi izan dizkiegu; garrantzitsua da lantzen ari garen ikerketa- eta transferentzia-proiektuak zuzenean ezagutu ahal izatea, gure laborategiak lehen mailako ekipamenduarekin, eta horrela jakin ahal izatea aukera erakargarria dutela gurekin profesionalki garatzeko”.
Jardunaldiaren atal teknikoa amaitu ondoren, parte-hartzaileek aukera izan dute eraikinaren kanpoaldeko karpan sozializatzeko eta networking egiteko; han, musikaz, jokoz eta foodtruckez gozatu dute. Ikerlan harrobiaren aldeko apustu handia egiten duen zentro teknologikoa da. Apustu bereizgarri horrek 380 profesional dituen plantillan 100 ikasle izatea dakar (40 doktoretza egiten eta 60 gradu- edo master-amaierako proiektua egiten).