Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
IK4-IKERLAN eta ETH-ZURICH elkarlanean dihardute energiaren hari gabeko transmisioari buruzko ikerketan
![Card image cap](https://www.tulankide.com/eu/ik4-ikerlan-eta-eth-zurich-elkarlanean-dihardute-energiaren-hari-gabeko-transmisioari-buruzko-ikerketan/@@images/7c2bbdd5-b2d8-48a3-81b6-3633e8f915ed.jpeg)
IK4-IKERLANek lankidetza hitzarmen bat izenpetu du Zuricheko ETH Unibertsitate ospetsuarekin (Suitza), zentroaren jarduera eremu garrantzitsuenetakoa den potentziako elektronikari lotutako I+G alorrean laguntzeko. Zehazki, erakunde biek energiaren hari gabeko transmisioa landuko dute elkarrekin. Hitzarmenaren bitartez, IK4-IKERLANen asmoa da Zentroa osatzen duten pertsonen prestakuntza eta talentua bultzatzen duen lana sendotzea eta, aldi berean, berrikuntza irekiaren alde, hau da, beste erakunde batzuekin elkarlanean arituta berritzearen alde apustu sendoago egitea.
Suitzako zentroaren aldetik, Potentziako Sistema Elektronikoen departamentuko zuzendari Johann Walter Kolar doktore irakasleak izenpetuko du hitzarmena. Munduko erreferentea da alor honetan, eta sari ugari ditu: sariak eskuratu ditu Ingeniaritza Elektriko eta Elektronikoko Institutuaren (IEEE) eta Power Conversion Intelligent Motion erakundearen (PCIM) eskutik egin dituen ikerketa lanengatik, bai eta Zuricheko ETH Unibertsitatearen eta Canterburyko Unibertsitatearen eskutik ere, irakaskuntzaren alorrean egindako ekarpenengatik eta spin off-ak sustatzeko jarduerengatik.
Ikastetxe ospetsu honekin batera egindako lanari esker, IK4-IKERLANek sendotu egingo du potentziako elektronikaren alorrean egiten ari den apustua, euskal ekonomiak posizio nabarmena dueneko sektoreetan punta-puntako teknologia eta aplikazioak garatzeko.
Erakunde biek adostu duten lehen jarduera da IK4-IKERLANeko ikertzaile Ugaitz Iruretagoyenak Suitzako unibertsitatean egonaldi bat egitea, energiaren hari gabeko transmisiorako aukerak aztertu ditzan.
Ikastetxean emango duen denboran, Iruretagoyenak energia kontakturik gabe, hau da, kablerik gabe transmititzeko metodoak ikertuko ditu. Teknologia hori eremu ugaritan aplikatzeko modukoa izan liteke, bereziki garraioari lotutako eremuetan. Zehazki, IK4-IKERLANeko ikertzaileak potentziako elektronikako sistemen laborategian jardungo du bere egonaldian, doktoretzako ikasle gisa, eta potentzia transmisiorako sistemen gainean ikertuko du goi potentziako indukzio bidezko ibilgailu elektrikoetarako.