Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
50 herrialdetatik ia 2000 bisitari etorri dira gurera 2019an zehar
Urteroko hitzordua da MONDRAGONeko Hedapen Kooperatiboaren topaketa, eta atzo abenduak 17an egin zen Otaloran.
MONDRAGONek Esperientzia Kooperatiboan interesa duten pertsonak artatzeko Hedapen Kooperatiboa zerbitzua du eta bere bitartez kudeatzen dira gurera etortzen diren bisitak.
Modu berean, zerbitzu honekin kolaboratzen dute urtean zehar erakunde ezberdinetako hainbat pertsonek: MONDRAGONeko kooperatibek, Euskadiko Nekazari-elikagaien Kooperatiben Federazioak, ERKIDEk, gertuko administrazio publikoak eta Arizmendarrietarekin lotutako bestelako elkarteek. Guztien artean bisitariari erakutsi nahi izaten zaio zer den MONDRAGONeko Esperientzia Kooperatiboa eta, horrekin batera, hemengo kooperatibismoa.
Ia 2.000 bisitari
Aipatu bezala, Otaloran (MONDRAGONeko Zuzendari eta Kooperatiba Garapenerako Zentroa) izan da topaketa. Bertan aztertu dituzte aurtengo datuak.
2019an 1.727 pertsona etorri dira MONDRAGONera, %81 Estatu espainiarretik kanpokoak. Hauek 50 herrialdetatik etorri dira, bereziki (bisitari gehiagoko herrialdetik gutxiagora): Hego Korea, Mexiko, Estatu Batuak, Brasil, Frantzia, Japonia, Argentina, Holanda, Kolonbia eta Belgika. Aipatzekoa Hego Koreak sailkapen horretan beste urte betez eutsi egin diola bere lidergoari, izan ere azken urteotan korearrak dira geurera gehien hurbildu diren bisitariak.
Bisitarien %64 interes enpresarialarekin dator: ekintzaileak, kooperatibistak edo politikariak dira, zeintzuek beraien lurraldea (edo beraien kooperatiba) hobetu nahi duten gure ereduaz. Partaideen %31ak interes akademikoa dauka: ikasle eta irakasleak dira, zeintzuek eredu kooperatiboa ezagutu eta bertan sakondu nahi duten. %4ak, esan daiteke, interes orokorra duela.
Bestalde, 585 pertsonek parte hartu dute Hedapen Kooperatiboak munduan zehar eman dituen hitzaldietan. Nabarmentzekoa da, azkenik, 151 talde artatu direla eta horietako 59 kooperatibek eskatuta izan direla; azken hauek beraien bezero, hornitzaile eta pertsona klabeak izan dira.
