Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
'Humanity At Music', 2021eko Fair Saturday Sarien irabazle
Fair Saturday Fundazioarentzat, “Humanity At Music interkooperazioan kokatzen den proiektu artistiko berritzailea da, non diziplina artistiko ezberdinen bitartez MONDRAGONen esperientzia kooperatiboa kontatzen den. Zalantzarik gabe, enpresa arloan egin den giza eta kultura arloak uztartzen dituen proiektu berritzaileena da. Humanity At Music-ek erakutsi du musikaren, dantzaren eta poesiaren bidez hartu-emanak sustatu daitezkela enpresa barneko kolektibo handian. Opera modernoa Fernando Velazquez-ek eta Jon Sarasuak idatzi zuten eta, besteak beste, eszenatoki ezberdinetan estreinatu zen, Arrasate Musikaleko Orkestrak eta Euskadiko Orkestrak lagunduta. Balio kooperatiboak, gizartearekiko konpromisoa eta kooperatibak bere inguruan ongizatea bultzatzeko duen gaitasuna eta bokazioa azalarazten ditu Humanity At Music egitasmoak”. Hori guztia kontutan hartuta, aurreko astean Bilboko Guggenheim museoan eginiko ekitaldian, Fair Saturday Fundazioak saria eman zion MONDRAGON Korporazioari.
Humanity At Music enpresa mailan egin den giza eta kultura arloak uztartzen dituen proiektu berritzaileena da, Fair Saturday Fundazioarentzat.
Fair Saturday Foundation
Fair Saturday irabazi asmorik gabeko erakunde independentea da, Fundazio gisa 2015ean sortu zena. Artearen eta kulturaren bitartez mundu hobeago bat bultzatzen saiatzen den erakundea da, enpatia sozialaren bidez eraldaketa soziala sustatzen duena. Fundazioaren misioa da mundu bertutetsuagoa, justuagoa eta pertsonen beharrei sentsibleagoa bultzatzea da. Eta hori guztia artearen eta kulturaren sustapenaren bitartez egiten du.
Fair Saturday Sariak
Fair Saturday sariak Bilbon jaio ziren 2017an, pertsonen eta erakundeen egitasmo inspiratzaileak nazioartean aitortzeko eta saritzeko helburuarekin. Aurtengo sari banaketa iragan astean egin zen, Bilboko Guggenheim museoan eta MONDRAGONen izenean Harreman Instituzionalen zuzendari den Iñigo Albizurik jaso zuen saria.