Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
HUHEZINEMAren hamabigarren edizioa martxan da
![Card image cap](https://www.tulankide.com/eu/huhezinemaren-hamabigarren-edizioa-martxan-da/@@images/5844ba48-aea3-4fd5-8f18-63de4e6726e6.png)
2019ko otsailaren 15era bitarte, haien lanak bidaltzeko aukera izango dute Euskal Herriko film laburren egileek. www.huhezinema.eus webgunean daude hiru sailetan lanak aurkezteko oinarriak interesa duten guztien eskura: Sail Ofiziala, MU Ikasleen Saila eta Kutixi Saila.
Hamabigarren edizio honetan, Mondragon Unibertsitateko Ikus-entzunezko Komunikazioko graduko hamasei ikaslek osatzen dute antolakuntza lan talde berria eta Iban del Campo irakaslearen gidaritzapean arituko dira, urtero bezala. Aurten 5.000€ banatuko dituzte sarietan, hiru sail desberdinetan.
Aukeraketa Batzordeak 10 film labur aukeratuko ditu jasotako film laburren artean jaialdiaren Sail Ofiziala osatzeko. Hamar hauetako bakoitzak 200€ jasoko ditu hautatua izateagatik. Hamar film hauek, beste lau sari hauen lehian arituko dira:
SAIL OFIZIALA
- Goiena Saria: 1000€ (Epaimahai Ofizialak emango du saria). Euskarazko film onena sarituko da.
- Mundukide Saria: 700€ (hiru sailetan aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko du).
- Vertigo Saria: 400€ (Mondragon Unibertsitateko ikasleek osatutako epaimahai batek emango du saria). Diru laguntza publikorik gabe ekoiztutako eta banatutako film laburrik onenak jasoko du.
- Ikusleen Saria: 300€
Mondragon Unibertsitateko ikasleen saria
- Fikzio Onenaren Saria: 300 €
- Dokumental Onenaren Saria: 300 €
- Argazki Onenaren Saria: Ogeita4 enpresak 1.500€an baloratutako kamera ekipamendua utziko dio irabazleari, 2020ko Huhezineman aurkeztuko duen euskarazko film labur bat egiteko.
- Ikusleen Saria: 100 €
Kutixi saila
- Kutixi Saria: 400 €
- Ikusleen saria: 100€
Abian dira Huhezinema jaialdiaren hamabigarren edizioaren prestatze lanak; Euskal Herriko film laburren egile eta zinema sortzaileoi dagokie orain haien lanak bidaltzea.