Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Roman Balanzategi hil da
![Card image cap](https://www.tulankide.com/eu/hil-da-roman-balanzategi/@@images/9e42fd7b-0605-4c6f-95f6-0b3fe74244c3.png)
Roman Balanzategi Arrasaten jaio zen, 1930ean. LagunAroko aita pontekoa izan zen eta bere historiaren protagonista handia, izan ere fundatzaile, lan osasun arloko zuzendaria eta presidente lanak egin zituen entitatean.
Zaragozan egin zituen medikuntzako ikasketak. Eta hortik zetorkion Arrasateko Esperientzia kooperatiboaren fundatzaileekin zuen harremana. Izan ere, fundatzaileak Zaragozara joaten zirenean azterketak egitera, Peritoen eskolara, Roman haientzako pentsioa bilatzen arduratzen zen.
Ikasketak bukatuta, Balanzategi doktoreak Bilbon lan egin zuen bi urtez, Basurton, bihotza eta birikien arloan. Eta handik Arrasatera etorri zen. Lehenengo urteetan “denetarik” egitera: Cerrajeran enpresa medikua, Arrasateko dispensarioan medikua, pediatra, baserriz baserriko kontsultak… Eta azkenean LagunAron hasi zen lanean, 1959an, erakundearen hastapenetan. Jose Ayala izandako lehen presidentearekin elkarlan estuan ibili ziren biak ala biak. Zuzendari lanak egin zituen LagunAroko Lan Osasun arloan, eta lan arriskuen prebentzioan aintzindaria izan zen “Don Roman”.
60ko hamarkadaren bigarren partean, Don Jose Mariaren konfidantzaz eta Jose Mari Ormaetxearen laguntzaz, Arrasateko ospitalea abiarazi zuen. Fremap-eko presidentea ere izandakoa da eta baita LagunAroko presidentea ere, 1984tik 1995ra arte, erretiroa hartu zuenera arte.
Familiaz eta bizitzaz gozatzen ari zen azken urteotan, osasun ajeak tarteko. Bost seme alaben aita zen eta 9 biloben aitajauna. Pertsona ona, abegitsua, umore onekoa, langile fina, eta oso solaskide ona.
Une latz honetan doluminak eta besarkada bat luzatu nahi diegu bere senitartekoei.