Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Hezkuntza eredu berriaren liburua argitaratu du Humanitate eta Hezkuntza Zientzien Fakultateak
‘Berrikuntza prozesu baten mapa berria: eraldaketaren eredua. Etorkizuneko irakasleen formazioan eragiten’ izenburua duen liburua aurkeztu du Mondragon Unibertsitateko Humanitate eta Hezkuntza Zientzien Fakultateak. Ainara Imaz eta Nagore Ipiña (egungo dekanoa) Fakultateko irakasle eta ikertzaileek eta Helena Azkarragaurizar ilustratzaileak dira egileak.
Liburuaren helburu nagusia da Fakultateak bizi izandako hezkuntza eraldaketarako esperientzia kolektiboaren berri ematea; hala, lanak batzen ditu Humanitate eta Hezkuntza Zientzien Fakultateak abian jarritako hezkuntza eredu berriaren gakoak eta, prozesu eraldatzaile horrek izan dituen oinarri nagusiak.
Ainara Imaz eta Nagore Ipiñaren lanak azaltzen du nolakoak izan behar duen etorkizuneko irakaslearen profila, nolakoa hezkuntza eredu berria eta egiteko modu berriak. Izan ere, egileen ustetan, Haur Hezkuntza eta Lehen Hezkuntzako hezitzaileen prestaketan, eta beraien profil pertsonal zein profesionalaren garapenean, beharrezkoak dira sakoneko aldaketak. Hori guztia egin dute Fakultatean bertan praktikan jarritako hezkuntza eredu berritzailea azalduz.
Lanak batzen ditu Humanitate eta Hezkuntza Zientzien Fakultateak abian jarritako hezkuntza eredu berriaren gakoak eta, prozesu eraldatzaile horrek izan dituen oinarri nagusiak.
Xede garbia du Humanitate eta Hezkuntza Zientzien Fakultateak bultzatutako hezkuntza eredu berritzaileak: eskaintzea formazio integrala eta kalitatekoa, hobetzea etorkizuneko belaunaldiaren prestakuntza eta prestatzea pertsonak aurre egingo dietenak XXI. mendeko erronkei.