Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Hego Euskal Herriko ekonomiaren hazkundea esperotakoa baino hobea izaten ari da aurten
![Card image cap](https://www.tulankide.com/eu/hego-euskal-herriko-ekonomiaren-hazkundea-esperotakoa-baino-hobea-izaten-ari-da-aurten/@@images/3724f24b-3290-4065-a7ab-f55d4ca0a300.jpeg)
2023ko Ekonomia Txostenak eta aurtengo urtealdirako aurreikuspenak aurkeztu ditu Laboral Kutxak Bilbon eta Iruñean, eta azpimarratu du “errealitateak ustekabe positiboa” ekarri duela. Izan ere, aurtengo lehen hiruhilekoan %0,5 eta %1 bitarteko hazkunde tasak izan dira Hego Euskal Herriko lau eremuetan, eta, beraz, Laboral Kutxak asko hobetu ditu iazko abenduan eginiko iragarpenak: aurreikuspen berrien arabera, Euskal Autonomia Erkidegoko BPG %2 haziko da aurten, eta Nafarroakoa, %2,1. Abenduan, %1,4ko igoera iragarri zuen.
Enpleguak ere hazten jarraituko du Laboral Kutxaren ustez. Hala, urte amaieran langabezia tasa %7,5era jaitsiko da EAEn, eta %9,4ra Nafarroan. 2023an langabezia tasa %7,7koa izan da Araba, Bizkaia eta Gipuzkoan, eta %9,9koa Nafarroan. Inflazioan, berriz, jaitsiera ez omen da horren nabarmena izango: KPI %3,2koa izango da EAEn, eta %3,1koa Nafarroan.
Are, banku kooperatiboak nabarmendu duenez, “inflazioaren aurkako borroka ez da amaitu oraindik”. Datuek erakusten dute luze joko duela Europako Banku Zentralak lortu nahi duen %2ko helburua lortzea; Laboral Kutxaren iritziz, 2025ean gertatuko da hori. Bitartean, EBZren Gobernu Kontseiluak arretaz jarraituko dio soldaten bilakaerari, eta unean uneko datuetan oinarrituko ditu erabakiak.
Barne-indarra, aurreikuspenen oinarri
Joseba Madariaga Laboral Kutxako ikerketa departamentuko zuzendariaren arabera, hiru izan dira aurreikuspen baikorren arrazoiak: zerbitzu sektore sendoa, lan merkatuaren dinamismoa eta kontsumoaren portaera ona. Hala ere, industria sektorean ere antzeman da hobekuntza, eta horrek sendotu egin ditu hazkundearen aurreikuspenak.