Guuk enpresaren II.hackathon lehiaketan garaile

Guuk-en Hackthonaren lehen edizioak (2021ean) izandako arrakastaren ondoren, euskal telekomunikazio-konpainiak ekintza beraren beste edizio bat egin du, Euskadiko ekosistema ekintzailea bultzatu eta Guuk-ek euskal telekomunikazioen sektorean (estatu mailako merkatu lehiakorrenen artean dago) identifikatutako erronkei erantzun berritzaileak aurkitzeko asmoarekin. ‘Ikasiz eragin’ proiektuarekin, Jon Alonsok eta Javier Echarrik irabazi dute lehiaketa, Mondragon Unibertsitateko LEINN Graduko ikasleak Oñatiko campusean. Edizio honetan BerriUp enpresa-azeleratzailearen lankidetza izan da.

Proiektuaren helburua ziberjazarpenean eta zibersegurtasunean prestatzea eta kontzientziatzea eratzea da

Proiektuaren helburua ziberjazarpenean eta zibersegurtasunean prestatzea eta kontzientziatzea eratzea da, sortzen ari diren teknologien bidez, hala nola errealitate birtuala edota adimen artifiziala, eta hori guztia scape room bezalako formatu ludikoak erabiliz. ‘Ikasiz eragin’ 12 eta 16 urte bitarteko seme-alabak dituzten familiei zuzenduta egongo litzateke, eta publiko horrengana iristeko eskolak, udalak eta gizarte-etxeak erabili nahi dituzte. Guuk-ek talde irabazlearen mentore gisa jardungo du, eta irabazleek BerriUp startup-azeleratzailearen trebakuntza-programa batean parte hartuko dute 2023an, beren proiektua gauzatzen laguntzeko “Oso pozik gaude Guuk-ekin kolaboratu ahal izateko eta Berri-Up-en programan parte hartzekop aukera honengatik. Guretzat ekintzaile gisa hobetzeko aukera bat da. Gure ibilbidean mugarri izatea espero dugu”, adierazi dute irabazleek.

‘Ikasiz eragin’ 12 eta 16 urte bitarteko seme-alabak dituzten familiei zuzenduta egongo litzateke, eta publiko horrengana iristeko eskolak, udalak eta gizarte-etxeak erabili nahi dituzte 

Lanbide Heziketako, UPV/EHUko, Deustuko Unibertsitateko, Mondragon Unibertsitateko eta Bilboko Merkataritza Ganberako 40 ikastetxetako ikasleei luzatu zitzaien martxoan deialdia. Aurkeztu dituzten proposamenetan Guuk-ek edizio berri honetan planteatutako erronkei aurre egin diete: operadoreak eremu zehatz batzuetan duen barneratze-maila handitzea eta bezeroak fidelizatzea. Gaur Bilboko BAT - B Accelerator Tower eraikinean egin den finalean, zazpi talde finalistek beren proposamenak defendatu dituzte honako kide hauek osatutako epaimahaiaren aurrean: Juanan Goñi, Guuk-eko zuzendari nagusia; Patricia Casado, BerriUp-eko zuzendaria; Nora Garay, N+N Comunicación Corporativa enpresaren sortzaileetako bat; eta Koldo Atxutegi, Bizkaiko Foru Aldundiko Bizkaia Erakargune Bihurtzeko zuzendaria.

Gaur Bilboko BAT - B Accelerator Tower eraikinean egin den finalean, zazpi talde finalistek beren proposamenak defendatu dituzte

“Ekimen honen bidez, ekintzailetza eta talentua bultzatu nahi ditugu gure lurraldean, oinarritik hasita, unibertsitateko eta LHko euskal ikasleei enpresen errealitatea hurbilduz. Guuk-en etengabe gaude harremanetan Euskadiko unibertsitateekin eta ikastetxeekin, eta tokiko startupekin lan egin ohi dugu. Beti gaude jende gaztearen ideiak entzuteko prest, eta, posible ikusten badugu eta ekarpenak egiten dituztela ikusten badugu, haiei laguntzeko eta ideia horiek gauzatzeko apustua egiten dugu”, adierazi du Juanan Goñi Guuk-eko zuzendari nagusiak. 

Konekta-tu, Guuk-en I. Hackathoneko proiektu irabazlea

Guuk-en Hackathonaren lehen edizioa 2021ean egin zen, eta María Bela eta Miguel Letamendia, Mondragon Unibertsitateko LEINN graduko ikasleak, izan ziren irabazleak. Haien proiektua, “Konekta-tu” izenekoa, adinekoei zuzendutako aurrez aurreko eta doako prestakuntza digitala da, kolektibo horri teknologia erabiltzeko beldurra galarazteko. “Konekta-tu” proiektua Euskadin eta Nafarroan barrena 2022an egindako tour bat da, eta dozenaka pertsonak parte hartu zuten.

“Esperientzia sinestezina izan da, eta asko ikasi dugu. Oso pozik gaude, ikusten dugulako proiektuak oraindik bide luzea duela egiteko. Lantegietara bertaratutako pertsonek oso balorazio positiboa egin dute. Taldea ere hazi egin da, eta sei pertsona gara jada. Gaur egun, gure asmoa bezero berriak erakartzea da, eta ilusio handia dugu. Guuk gurekin egon da prozesu guztian zehar. Juanan Goñik, enpresako zuzendari nagusiak, etengabeko segimendua egin dio proiektuari, eta hurrengo urratsak eta hartu beharreko bideak identifikatzen lagundu digu. Asko lagundu digute”, adierazi dute Maríak eta Miguelek.