Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Graduko eta batxilergoko ikasleak gizarte erantzukizunari buruzko jardunaldian ari dira, Oñatiko campusean
Mondragon Unibertsitateko eta Oñatiko batxilergoko 120 ikaslek gogoeta eta lan egiten jardun dute gaur, gizarte-erantzukizunaren ikuspegi batez, gazteek eurek Oñatin antzemandako benetako arazoei irtenbideak bilatzeko helburuarekin.
Hitzordua, Mondragon Unibertsitateko Enpresagintza Fakultatearen Oñatiko campusean da. Hain zuzen, bertan burutuko da GazteRS izeneko gizarte-erantzukizunari buruzko jardunaldia, Mondragon Unibertsitateko Enpresen Administrazioko eta Zuzendaritzako Graduko (GADE) eta Lidergo Ekintzaileko eta Berrikuntzako Graduko (LEINN) ikasleak ez ezik, Oñatiko batxilergoko azken mailetako eta prestakuntza zikloetako ikasleak ere bilduko dituena.
Gizarte-erantzukizunaren inguruko kultura bultzatzea da xede nagusia. Horretarako, gogoeta-jardunaldi trinkoa egingo dute hainbat eremutako ikasleek, gairik garrantzitsuenen inguruan hausnartzeko asmoz.
Jardunaldiak hainbat asmo ditu: gero soluzioa diseinatzeko benetako arazoak identifikatzea, adin desberdinetako pertsonen arteko gizarte-kohesioa bultzatzea, partaideen artean esperientziak trukatzea, eta benetako arazoei elkarlanean irtenbideak emateko konpetentziak eskuratzea. Goizean zehar proposamenak garatu ostean, eta jardunaldiari amaiera emateko, herriko benetako arazoei irtenbidea aurkitzeko ikasleek aurkezturiko proiekturik hoberena aukeratuko da.
Proposamen hoberenaren saria
Jardunaldia bat dator Mondragon Unibertsitateak gizartea eraldatzeko duen konpromisoarekin, eta ikasleek gizartearen, ekonomiaren eta ingurumenaren alorreko benetako arazoetan oinarrituz lan egitea bilatzen du, horiei irtenbidea eskaintzeko.
Goizeko saioak arazo horiei erantzuna emango dioten irtenbideak lantzeko balio izango du, eta sortuko diren taldeek proposamenak eraikiko dituzte. Ondoren, planteatutako arazoei irtenbidea emateko talde bakoitzaren proposamenak aurkeztuko dira. Arratsaldean, hiru finalistak (arlo bakoitzeko bat) sarituko dira eta, azkenean, jardunaldiko proposamenik hoberena aukeratu (16:00-17:00) eta talde irabazleari sari berezia emango zaio.