Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Goi Eskola Politeknikoak diplomak banatu dizkie 363 ikasleei
![Card image cap](https://www.tulankide.com/eu/goi-eskola-politeknikoko-363-ikaslek-graduko-masterreko-edota-doktoregoko-diploma-jaso-dute/@@images/c287ad63-7c6a-4151-987e-c2fda526a8f9.jpeg)
Mondragon Unibertsitateko Goi Eskola Politeknikoak aurreko ikasturtean ikasketak burutu zituzten 363 egresaturi graduko, masterreko eta doktoregoko diplomak banatu zizkien Donostian ospatu zen ekitaldian. Guztira, 235 graduatuk, 116 master-tituludunek eta 13 doktorek jaso zuten diploma. Ekitaldia Donostiako Kursaalen ospatu zen eta bertan izan ziren, besteak beste: Cristina Uriarte Hezkuntza sailburua, Mondragon Unibertsitateko errektore Vicente Atxa, Goi Eskola Politeknikoko zuzendaria Carlos Garcia eta Goi Eskola Politeknikoko koordinatzaile akademikoa Nekane Errasti. Gainera, DMP Aero enpresako zuzendaria den Alicia Gomezek hitzaldia eskaini zuen.
Horrez gain, diplomak banatzen izan ziren: Maria Ubarretxena, Arrasateko alkatea; Luis Intxauspe, Hernaniko alkatea; Jose Miguel Santamaria, Ordiziako alkatea; eta Juan Maria Palencia, Mondragon Goi Eskola Politeknikoko lehendakaria.
Ekitaldia
Ekitaldia 18:00etatik 20:00etara bitartean egin zen eta Miren Murgiondo Goi Eskola Politeknikoko idazkari akademikoak egin zituen aurkezpen-lanak. Carlos Garciak eta Nekane Errastik ongietorria egin ondoren, Vicente Atxa Mondragon Unibertsitateko errektoreari eman zioten hitza.
Gero doktoreei eta masterreko tituludunei eman zieten lehenik diplomak, eta gero Alicia Gomezek hitzaldia eskaini zuen. Haren ostean, berriz, graduko tituludunei diplomak emateko txanda etorri zen.
Ekitaldiari amaiera emateko, Cristina Uriarte Hezkuntza Sailburuak hitz egin zuen eta musika-emanaldia ere egon zen.
Ekitaldiaren argazki guztiak: https://www.flickr.com/photos/mondragonunibertsitatea_mgep/albums/72157704184450092