Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Garaia Parke Teknologikoan 7 enpresa jarduera berri sartu dira 2020an
Garaia Parke Teknologikoak urte hasieran egin du Batzar Orokorra, “Garaia bat gara 2021” lelopean. Ekitaldi presentzial eta telematikoa izan da, segurtasun neurriak beti betetzen direla bermatuz eta interesdun guztiei asistentzia erraztuz.
PTGaraiak Debagoieneko ekonomiaren, gizartearen eta kalitatearen garapenaren aldeko ekimena eta berrikuntza sustatzen jarraitzen du, enpresen arteko lankidetzaren bidez.
Parkeko lehendakari Mikel Álvarezek eman dio hasiera batzarrari, eta COVID19rekin lotutako azken berriak azaldu dizkie bertaratutakoei. Gomendioen berri eman du, osasunaren ikuspegitik, eta parte-hartzaileen galderei erantzun die.
2020ko balantzeari dagokionez, nahiz eta urte zaila izan sektore askorentzat eta baita Parke Teknologikoarentzat ere, larrialdi- eta konfinamendu-egoerari aurre egitea lortu dute, zerbitzu, proiektu eta baliabide berriak sortuz eta, azken batean, lana egiteko espazio eraikiz.
2020ko urtean, 7 enpresa jarduera berri sartu dira PTGaraian (DosSetenta, Erabat, Generali, Mikros, SILO, BerEKIN eta B-Lokal) eta horiei beste bi enpresa berri batu zaizkie 2021ean (A+G, Prakagorri).
Idurre Albizu, Garaiako Negozio Garapeneko arduradunak esan duenez, 239 ekitaldi egin dira, presentzialak, telematikoak eta hibridoak, eta 7800 pertsonak hartu dute parte. Jarduera horiek egiteko, PTGaraiak eremu guztiak formatu hibridora egokitu ditu, eta gela eta lan-eremu berriak prestatu ditu sor daitezkeen behar berrietara egokitzeko.