Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
FIRST LEGO League Euskadi-MONDRAGON iristear
![Card image cap](https://www.tulankide.com/eu/first-lego-league-euskadi-mondragon-iristear/@@images/d0afeb38-a4fc-489f-962b-8ed9c90e1fd0.jpeg)
Agente antolatzaileak gaur bildu dira (urtarrilak 31) ekitaldiaren aurkezpen ofizialerako. Bertan, Ibon Antero (MONDRAGON Korporazioa), Nekane Errasti (Mondragon Unibertsitateko Goi Eskola Politeknikoa), eta Juan Mari Bergaretxe (Ausolan) elkartu dira.
FLL Euskadi-MONDRAGON torneoa otsailaren 8an izango da, Mondragon Unibertsitateko Goi Eskola Politeknikoaren Iturripeko Campusean. Eta Arrasaten izango den lehiaketatik estatu mailako finalera sailkatuko diren taldeak irtengo dira.
Datu esanguratsuak
Lehen edizio honetan 42 taldek hartuko dute parte, 22 FLL kategorian eta 20 Junior kategorian. Partaideak Araba, Bizkaia eta Gipuzkoako ikastetxe ezberdinetatik gerturatuko dira; konkretuki Lauxeta Ikastolatik (Zornotza) hamahiruk, Bihotz Gazteatik (Santurtzi) bederatzik, Arizmendi ikastolatik (Arrasate) lau taldek, Santa Maria Portugalete, Flaming Herri Eskola (Billabona) eta San Fideletik (Gernika) hiru, CEIP Labastida (Bastida) eta Urkidetik (Gasteiz) bina eta Zuazola eta Igor Ormatik (Arrasate), Sagrado Corazón (Bermeo) eta Txantxiku Ikastolatik (Oñati) talde bana izango dira.
Talde parte-hartzaileak azken egunak aprobetxatzen dihardute CITY SHAPER erronkari ahalik eta hoberen aurre egin ahal izateko.
Kontuan izanik gehienez 16 pertsonetako taldeak osatu daitezkeela torneoaren egunean, 350 ikasle inguru batzea aurreikusten du antolakuntzak.
Talde parte-hartzaileek etorkizuneko hiri adimentsuetan nola bizi daitekeen erakutsiko digute, teknologia berriek gure egunerokoan izango duten eragina nolakoa izango den azalduz. Bestalde, robotaren jokoak bertaratutakoak dibertituko ditu genio txikien asmakizunekin.
Dena prest CITY SHAPER erronkarako!