Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Festa giroan eta senideek lagunduta ospatu zuten Fagor Ederlaneko lan-bazkideek kooperatibaren 50.urteurrena
![Card image cap](https://www.tulankide.com/eu/festa-giroan-eta-senideek-lagunduta-ospatu-zuten-fagor-ederlaneko-lan-bazkideek-kooperatibaren-50-urteurrena/@@images/9066ba7b-a09b-4bd6-9514-300d7fc09425.jpeg)
Jai giroan, harrotasunez eta eguraldi ederrarekin ospatu zuen Fagor Ederlaneko 'familia' handiak 50.urteurreneko Ate Irekien Jardunaldia.
Arrasaten (Markuleten, Uribarrin eta Ederteken) dituen hiru lantegi eta berrikuntza gunean ateak goizeko 9etan ireki zituzten. Ordu paretsuan Aretxabaletako eta Eskoriatzako lantokiak irekiko zituzten, eta senideek eta lagunek Fagor Ederlan barrutik ezagutu ahal izan zuten, baita Edertek-eko berrikuntza gunea ere, Garaian dagoena.
Aurreikuspenen gainetik
Aurreikuspenak ikusirik, bisita gidatuetarako zenbait gidari jarri zituen Fagor Ederlanek, guztiak kooperatibako lan bazkideak. Haien laguntzarekin, senideek lantokiak bisitatzeko aukera izan zuten. Prentsak, fundizioa eta txoko ezezagun guztiak bertatik bertara bisitatzeko aukera izan zen 30-45 minutuko iraupena izan zuten bisitetan.
Senideekin konpartitzeko eguna
50.urteurrena ospatzeaz gain, ate irekien jardunaldiaren helburu nagusia izan da senide eta lagunei erakustea lantokia, beti ere onarpen eta ospakizun sentimenduarekin. Izan ere, aurten Fagor Ederlanen oso bizi dago sentimendu hori.
Ekitaldi nagusia eguerdiko 12etan egin zen Eskoriatzako lantokiko parking nagusian. Bertan ez ziren falta izan edaria, jatekoa, haurrentzako jolasak, kontu kontalariak, photocall bat, karaokea, musika, azoka solidarioa... eta gainera bi elkarterentzat dirua batu zen Debagoieneko Zu behar zaitut elkartearentzat, eta ASPANOGIrentzat.
Bi elkarteek osasun arazoak dituzten haurrekin egiten dute lan, lehenak garun minusbalitasunak dituztenekin, eta bigarrenak Gipuzkoako haur onkologikoekin.
Ate irekien jardunaldia jendetsua izan zen, eta guztira ia 1.600 lagunek esku hartu zuten ekintzetan.
Argazki guztiak: flickr kanalean eta koop gunean eta baita fagorederlan50 webgunean.