Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Fagor Ederlaneko lan-bazkideek euren kooperatibaren 50.urteurrena ospatzeko abestia eta bideoklipa grabatu dituzte
1963ko uztailaren 1ean sortu zen Fagor Ederlan Koop. Elkartea. Fundiciones Esteibar eta Comet enpresek bat egin eta proiektu kooperatiboa sustatu zuten Eskoriatzan. Harrezkero, enpresa hazi egin da, eta Fagor Ederlan Group da gaur egun. 3.000 langile baino gehiagorekin mundu osoan eta lantokiak Usurbil, Eskoriatza, Aretxabaleta, Arrasate, Tafalla eta Txinan. 2013an 50 urte bete dituzte eta urteurrena ospatzeko ekitaldi ugari antolatu dituzte, besteak beste 'Ederlantzen' kantuaren sorkuntza eta bideokliparen grabazioa.
Guztira, 40 langile baino gehiagok parte hartu dute grabazioan eta Antxon Sarasua musikari profesionalaren laguntza izan dute, izan ere, Antxonen emaztea ere Fagor Ederlaneko lan-bazkidea da. Letrak berriz, Ederlaneko euskara departamentuak egin ditu, Asier Iriondoren koordinaziopean.
Ideia hasieratik lehendakaritzatik sortutako batzorde antolatzaileak sustatu zuen eta kooperatibaren organo guztien oniritzia izan du. Bideoklipa, berriz, Arteman Komunikazioa enpresak egin du, Fagor Ederlanekin elkarlanean eta sintonia ederrean.
Grabazioa Andoainen
Ederlantzen kantua alaia da, dibertigarria, eta instrumentu ugariren nahasketarekin sortu du Antxon Sarasuak. Gitarra akustikoa, gitarra elektrikoa, baxua, saxoa, klarinetea, gaita, tronpeta, akordeoia, bibolina, flauta... askotariko instrumentuak jo dituzte Ederlaneko langileek.
Eta bideoklipa egiterakoan, Artemanekoek planoak grabatu zituzten lantokietan (Aretxabaleta, Eskoriatza eta Arrasaten) eta baita lantokietatik kanpo, Debagoieneko zenbait gune ederretan. Otalora Jauregian, Eskoriatzako plazan, Apotzagako auzoan eta Urkuluko urtegian. Soinuaren grabazioa, berriz, Andoainen burutu zen, Neurotika Sound estudioetan. Bertan, Antxon Sarasuak egin zituen zuzendari lanak, lan-jardunaldi luze baina emankorrean.
Fagor Ederlaneko zenbait langile grabazioan.