Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Fagor Ederlan Tafallak produkzioari ekin dio uholdeak eta gero
![Card image cap](https://www.tulankide.com/eu/fagor-ederlan-tafallan-kalteak-eragin-ditu-uholdeak/@@images/eb7645f9-d3c8-4547-8141-bd66f327abfb.jpeg)
Azken orduetan Tafalla inguruan izandako euriteek eta uholdeek hainbat eragozpen sortu dituzte, izan ere metro karratuko 160 litro utzi ditu, zonalde batzuetan.
Zidakos ibaia itsaso bihurtu da Tafallan, eta hainbat kalte eragin ditu. Etxebizitza, garaje, denda, eta lantoki askotan sartu da ura, hala nola Tafallako Fagor Ederlaneko plantan ere bai.
Atzo, uztailaren 8ko arratsaldean bete zen urez Fagor Ederlaneko beheko solairua eta zuzendaritzak produkzioa eten eta bertan zeunden langileak kanporatzea erabaki zuen, segurtasun arrazoiengandik.
Gaua horrelaxe igaro da eta gaur, uztailak 9ko lehen orduan hasi dira garbiketa eta konpontze lanak. Zuzendaritza kontseilua goiz erdian bildu da eta produkzioa berriz ere martxan jartzeko behar diren neurriak adostu dituzte. Gainera, geldiuneak sortarazi dituen arazoak eta atzerapenak kontabilizatzen ari dira momentu honetan eta horiek guztiak konpensatzeko neurriak definitzen.
Produkzioa martxan berriro
"Egoera oraindik ez dugu guztiz zuzendu baina goizeko 11ak aldera hasi dira lanean produkzio linea batzuk. Gainerakoak ere poliki-poliki martxan jarri dira eta dena ondo badoa, bihar planta osoa izango da lanean" aipatu digu Javier Alvarez, Fagor Ederlan Tafallako zuzendari orokorrak.
Tafallako plantan 765 pertsonek egiten dute lan eta arratsaldeko erreleboan lana egiten duten 250 langile inguru zeunden atzo uholdearen momentuan.