Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
Fabrikazio gehigarriaren aukerak industriaren alorrean
Negozio-aukera berriak identifikatzen lagunduko duten disrupzio teknologikoen etengabeko bilaketan murgilduta dabil sektore industriala gaur egun. Zalantza barik, fabrikazio gehigarria da esanguratsuenetako bat dauzkan aplikazio eta erabilera aukerengatik.
Testuinguru honetan, MONDRAGON Sustapen Zentroak, Loop negozio-eredu berrietan aditua den aholkularitza-enpresarekin batera, ‘Fabrikazio gehigarriaren aukerak industriaren alorrean’ izeneko jardunaldia antolatu zuen pasa den azaroaren 6an, Garaia Parke Teknologikoan.
Fabrikazio gehigarria negozio erreal eta finkatua bihurtzen ari diren aktoreen bitartez, jardunaldi honen helburua izan da MONDRAGONek eta bertan dauden kooperatibek erronka honi aurre egiteko moduak aztertzea.
Taldeko 14 enpresa ezberdinetako 20 bat lagun gerturatu ziren Garaiara.
Jardunaldian, Materialise eta Iddo enpresen eskutik, Europako 3D inprimazioan fabrikatzaile nagusiena, merkatuan kasu erreal gehien dituena eta sektore honetan aditua den MONDRAGONeko enpresa, hurrenez hurren, mundu mailako industrietan teknologia hauen inplementaziorako proposamenak modu egiaztagarrian aztertu ahal izan ziren.
IDDO-ri buruz: IDDO aholkularitza-enpresa teknologiko bat da, industriaren alorrean Fabrikazio gehigarriaren garapena bizkortzera bideratutakoa. Beren eskarmentuaz baliatuz, enpresen bidelagun dira teknologiaren barneratze-prozesuan, enpresa bakoitzaren beharrei egokitutako zerbitzu-sorta zabal bat eskainiz.
Materialise-ri buruz: Materialise-k hiru hamarkadako eskarmentua dauka 3D inprimatze-munduan. Software eta 3D inprimatze-zerbitzuen alorretan duen soluzio-sorta zabalaz baliatuz, 3D inprimatzearen bitartez industria-sektore anitzetan aplikazio berritzaileak sortzen ditu. Egoitza Belgikan dauka 2.000 enplegatu baino gehiagorekin, Europan eta Amerikan zentro industrialak eta sukurtsalak mundu osoan zehar. Materialise-k, sektoreko software-garatzaile talde handienarekin, mundu mailan 3D inprimatze instalakuntza-industrial handienetakoa dauka, Europako handiena.
Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
