Irakurriena
- 1. Imanol Oleaga Mendiaratz, Domusa Teknikeko zuzendari nagusi berria
- 2. Orkli Biotz enpresan sartu da % 11,11ko parte-hartzearekin
- 3. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 4. Dikarrek bere ekoizpen planta modernoa inauguratu du Arrasaten, etapa berri bati ekiteko
- 5. MONDRAGONen Komunikazio Foroaren edizio berria egin dute
- 6. Batzar orokorrak gai nagusi, TU Lankide aldizkariaren zenbaki berrian
- 7. MONDRAGON Hospitalityk eta Mondragon Hotelak lankidetza-hitzarmena sinatu dute
- 8. MONDRAGONek XXI. mendeko erronkei ekarpena egiten dieten gradu edo master amaierako lanik onenak sarituko ditu
- 9. Industria eremuko Euskadiko hitzordurik handienean izango da MONDRAGON
- 10. Eroskiko emakumezkoen taldea garaile Bilboko Enpresen Lasterketan
Euskararen betaurrekoak jantzita, posizio ezberdinetatik talentuari begira
Pertsonetakoak, lehendakariak, finantzatakoak, euskara batzordeetakoak… kooperatiba ezberdinetako nahiz ardura ezberdinetako begiradak uztartu dira beraz foroan.
Ekitaldiari hasiera MONDRAGONeko euskara koordinatzaile Ander Etxeberriak eman zion. Azken bi urteetan talentuaren gaia zeharka landu duela MONDRAGONeko Euskara Foroak adierazi zuen. Bere esanetan, duela bi urte euskararen ezagutza eta erabilera lantzeko Aldahitz metodologia aztertu zen. Iaz, berriz, hizkuntza teknologiak ezagutu ziren. Gaineratu duenez, “oraingoan gaia erdira ekarri eta elkarri entzunez lantzen hastea erabaki du MONDRAGONeko Euskara Batzordeak”.
Demografia, funtsezko faktorea
MONDRAGONeko talentu arduradun Maite Legarrak eman zion jarraipena ekitaldiari. Demografia alorreko aldaketak, pertsonen kudeaketarako aniztasuna, ekitatea eta inklusioa lantzeak duen garrantzia eta kooperatibek talentuaren kudeaketan dituzten erronkak eta estrategiak izan zituen hizpide. Euskararen betaurrekoak jantzi eta talentua erakartzeko eta fidelizatzeko prozesua berraztertzeko gonbita egin zien kooperatibetako ordezkariei.
Ondoren, Emunek dinamizatuta bertaratutakoek talentua eta euskararen bueltan elkarrekin hausnartzeko aukera izan zuten. Horretarako, 9 mahaitan elkartu ziren eta, elkarri entzunez, hainbat gai aztertu zituzten: euskararen begirada osoa ardura ezberdinetako ordezkariekin osatzeko beharra, ikaste prozesuaren erdigunean lantokia eta lankideak jartzeak inklusioan duen eragin positiboa, hizkuntzak kudeatzeak eta berariaz euskararenak izango diren gune eta espazioak sortzeak duen garrantzia eta euskara planetik emozio positiboak eragiteko aukerak, besteak beste.
Amaitzeko, MONDRAGONeko Euskara Batzordeak gaian sakontzen jarraitzeko konpromisoa hartu zuen.
Argazki galeria: https://www.flickr.com/photos/tulankide/albums/72177720317829332