Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
'Euskara lanean bidea egiten' jardunaldian MONDRAGONeko 50 kooperatiba batu ditu EMUNek
![Card image cap](https://www.tulankide.com/eu/euskara-lanean-bidea-egiten-jardunaldian-mondragoneko-50-kooperatiba-batu-ditu-emunek/@@images/c5762fe6-2d05-4218-9209-c53f683361dc.jpeg)
EMUNek, bere 15. urteurrenaren testuinguruan, jardunaldia antolatu du Arrasateko Garaia Berrikuntza Gunean. Euskara lanean bidea egiten lelopean eta bere bezeroekin euskara planetako ezagutzak eta esperientziak partekatzeko helburuarekin antolatu dute gaurko ekitaldia.
Helburu horren harira, EMUNeko kide Juan Luis Arexolaleibak adierazi digunez, "ekitaldian tailer oso praktikoak antolatu ditugu, euskara planetako erabilera, ezagutza, motibazioa eta erakundetzearen gainean egon daitezkeen esperientziak trukatzeko eta etorkizuneko estrategiak bideratzeko".
Guztira 180 bat lagun elkartu dira arratsaldean Garaian, 90 enpresatako ordezkariak guztiak ere. Eta noski, MONDRAGON Korporazioko kooperatiba askok parte hartu dute jardunaldian. Fagor Arrasate, Copreci, Fagor Taldea, Fagor Etxetresna Elektrikoak, Fagor Ederlan... guztiek ere ordezkaritza izan dute euskararen gaineko jardunaldian. "Bezeroak oso garrantzitsuak dira guretzat eta jakin nahi dugu zer dioten, horrela aurrera begira estrategia berriak landu ahal izango ditugu", adierazi digu Arexolaleibak.
(Juan Luis Arexolaleiba, EMUNeko kidea TU lankideri erantzun ondoren)
Ekitaldia Dani Larrea EMUNeko zuzendari orokorraren agurrarekin hasi da. Ondoren Olatz Olasok hartu du hitza. EMUNeko I+G+bko zuzendariak euskara planen erronkez eta berrikuntzez aritu da. Ikus-entzunezko bat ere ikusi ahal izan dute bertaratutakoek eta segidan Julen Arexolaleibak hartu du hitza. HUHEZI-MUko irakaleak hainbat gai izan ditu hizpide eta hiru galderari erantzuten ahalegindu da. Aurrera egin al dugu euskaldunok? argiak eta ilunak. Zer ekarpen egiten dute lan-munduko euskara planek? eta aurrera begira nondik jo behar dugu?
(Dani Larrea, EMUNeko zuzendari orokorra parte-hartzaileei ongietorria ematen)
Jardunaldiari amaiera emateko Workshop praktikoak egin dituzte lau taldetan banatuta. Motibazioaren indarra: gogotsu gaudelako, Ikas Tari: ezagutzatik erabilerarako hainbat bide, Ari eta ibili: lanean euskara erabili, eta Sustraietatik adarretara: plana enpresan erakundetzen. Lan saio praktikoarekin eman zaio amaiera gaurko ekitaldiari.