Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Euskaltzaindiak eta Euskadiko Kutxak, Euskararen Herri Hizkeren Atlasaren laugarren liburukia aurkeztu dute
![Card image cap](https://www.tulankide.com/eu/euskaltzaindiak-eta-euskadiko-kutxak-euskararen-herri-hizkeren-atlasaren-laugarren-liburukia-aurkeztu-dute/@@images/081d3e2d-1ae4-44ce-9fc2-38d69d852210.jpeg)
Guztira, 12 liburuki izango ditu Euskararen Herri Hizkeren Atlasak eta paperean zein Euskaltzaindiaren webgunean izango dira eskuragarri.
2010. urteko apirilean argitaratu zituzten lehen bi liburukiak eta iazko maiatzean hirugarrena. Lehen liburukiak ondoko gaiei buruzko 268 mapa ditu: intsektuak, arrainak, narrastiak, txoriak, piztiak, zerua eta eguzkia, eguraldia, elurra eta hotza. Bigarren liburukiak ondoko gaiak jorratzen ditu 241 mapatan: denbora kronologikoa, topografia eta landaretza. Hirugarren liburukiak landaretza eta abereak uztartzen ditu. Ondoko gaiak lantzen ditu 269 mapatan: zuhaixak eta fruituak, baratzekariak, basalandareak, patata, behi hazkuntza, behorrak, ardia eta ahuntza. Aurkeztu berri duten laugarren liburukiari dagokionez, ondoko gaiak ikusiko ditugu: txerriak, hegaztiak, txakurra, erlea, baserria, etxea, teilatu eta zureria, etxearen zatiak eta altzariak.
Diccionario Trilingüe del Castellano, Bascuence y Latín
Euskararen Herri Hizkeren Atlasa argitaratzen laguntzea ez da Euskadiko Kutxak Euskaltzaindiarekin mantentzen duen harreman bakarra. Iazko apirilean, esaterako, Aita Larramendiren Hiztegi Hirukoitza utzi eta 200 faksimile argitaratu zituen. Orain, faksimilaren kopia zenbakitu bana jaso dute Akademiako kide guztiek.
Euskaltzaindiarekin izandako lehen lankidetza proiektuak 35 urte ditu; hain zuzen, 1977 urtean, Akademiak Euskararen Liburu Zuria (PDF, 10,16 MB) argitaratu zuen, Lankide Aurrezki Kutxak diruz lagunduta. Eta aurrera begira ere, bide beretik jarraituko du, euskara bultzatu eta normaltzeko hartutako konpromisoaren harira.