Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Europako zenbait parlamentario MONDRAGONen bisitari
Gabriela Zimmer, Europako Ezker Bateratuko Talde Konfederaleko presidentea buruan zela iritsi zen MONDRAGONeko Zentro Korporatibora Europarlamentuko ordezkaritza handia. Ezker europarrak asteon egin ditu Donostian hausnarketa jardunaldi batzuk eta MONDRAGONera eginiko bisita Euskal Herrira eginiko bisitaren lan agendaren parte garrantzitsua izan da.
MONDRAGONen Iñigo Ucinek, Korporazioko presidenteak; eta Ander Etxeberriak, Hedapen Korporatibo eta Euskara arduradunak egin zieten ongietorria. Biek ala biek MONDRAGON korporazioaren errealitatearen berri eman zieten europarlamentarioei eta gustura erantzun zituzten haien galderak.
Bisita, neurri haundi batean, Josu Juaristik hitzartu zuen, EH Bilduko Talde Europarreko hautetsiak. Josu behin baino gehiagotan gerturatu da MONDRAGONera eta eredu kooperatiboaren jarraitzaile sutsua dela adierazi du askotan.
Eztabaida irekia
Aurkezpenaren ondoren, Talde parlamentarioko presidenteak eztabaia irekian parte-hartu zuen, arlo kooperatiboaren eta Europaren gaineko eztabaidan hain justu ere. LANKIko Igor Ortega ikertzaileak ere parte-hartu zuen mahai inguruan.
Bisitaren bitxikeriak
Bisitaren bitxikerien artean, aipatzekoa da MONDRAGONera gerturatutako pertsona kopurua; guztira 110 lagun elkartu ziren, eta horietatik soilik 22 ziren europarlamentarioak. Gainerako guztiak itzultzaileak (hitzaldiak zazpi hizkuntzatara itzuli ziren aldi berean), komunikazio aholkulariak eta europarlamentarioen senideek osatzen zuten.