Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Etxeko kontsumo energetikoa erabiltzaileen esku jarriko dute Ikerlan, Acede eta Ekitermikek
![Card image cap](https://www.tulankide.com/eu/etxeko-kontsumo-energetikoa-erabiltzaileen-esku-jarriko-dute-ikerlan-acede-eta-ekitermikek/@@images/684ce43c-1bdd-4648-8e63-5e8a176fe958.png)
Ikerlan, Acede eta Ekitermik-ek, Arrasateko Udalarekin batera, aurrera eraman ahal izango dute EnerBIZI proiektua. Izan ere, Gipuzkoako Foru Aldundiak berriki onartu du Smart Lab Gipuzkoa 2014 programaren barruan, proiektua aurrera ateratzeko beharrezkoa den diru-laguntza. Smart teknologiak erabilita, etxebizitza arruntetan pertsonak energia kontsumoaren kontzientzia maila handituko duen gailua eraikitzea da proiektu honen helburua. Hala, hiru eragileetako bakoitzak bere jakintzarekin egingo du ekarpena EnerBIZI proiektuan: Ikerlanek Smart teknologia eta seinaleen tratamendua, Acedek pertsonak etxebizitzarekin duen hartu-emanaren jakintza eta Ekitermikek energia kontsumoen neurketaren jakintza.
Ekitermikeko Jagoba Bergarak azaldu digun moduan, “etxean kontsumo energetikoa neurtzen duten aparailuak” jartzea da gakoa eta hauen bitartez, erabiltzailearen telefono edota tabletera bidaltzen da informazio guztia, “etxeak zelako kontsumo energetikoa duen ikusteko”, momentuko datuak zein historikoekin. Modu honetan, erabiltzailea kontzienteago izango da berak sortzen duen kontsumo energetikoaz.
ACEDE-ren Living Lab H-Enea eraikineko laborategian pilotua izango den lehen sistema eraikiko da
Bergarak gaineratu duenez, horrelako neurgailuak badira adibidez polikiroldegietan eta, “honen kontsumo energetiko guztia monitorizatuta dago”. Hala ere, EnerBIZI proiektuaren helburua, instalazio handietan dagoen teknologia hori etxeetara eraman eta erabiltzaile arrunten eskura jartzea da, “prezio baxu batean”, dio arrasatearrak.
ACEDE-ren Living Lab H-Enea eraikineko laborategian pilotua izango den lehen sistema eraikiko da. Behin funtzionamendu zuzena egiaztatuta, sistema hau etxebizitza errealetara eramango da eta neurketak egin ahala, aurrezpen energetikoak duen eragina aztertuko da.
Iturria: mondraberri.com