ETE Enpresa Industrialaren saria jaso du Ederfil Becker kooperatibak

Industria

Eroale elektrikoak

Gipuzkoako Enpresaren Sari banaketaren ekitaldiaren XXIII. edizioak lau empresa saritu zituen pasa den ostiralean, martxoaren 13a, Donostian ospatu zen ekitaldian. ETE Enpresa Industrialaren saria jaso duen Legorretako Ederfil Beckerri dagokionez, Gipuzkoako Bazkundeak enpresa honen pertsonen kudeaketa modelua eta enpresaren estrategia nola bideratu den goraipatu ditu. Horretaz gain, beste enpresa hauek saritu ziren: Indarrek “Gipuzkoako Enpresa” saria eskuratu zuen; Mendaroko RTS, S.A Enpresa Nazioartekotzeari saria; eta Nem Solutions, enpresak berriz, Gipuzkoako Zerbitzu Enpresa saria.

2015/03/16

Gipuzkoako Bazkundeak lau empresa izendatu zituen ekitaldiaren baitan. Ederfil Beckerrek ETE Enpresa Industrialaren saria jaso zuen. Enpresa honen pertsonen kudeaketa modelua eta enpresaren estrategia nola bideratu den goraipatu ziren.

Kooperatibak bi planta ditu gaur egun, Legorreta eta Alegin eta eroale elektrikoen fabrikazio eta komertzializaziora dedikatzen da. Ederfil 1977an eratu zen, Legorretan eta 2003an Becker erosi zuen, Mondragon Inbertsioak lagunduta. Horren ondorioz, 2014an Ederfil Becker kooperatibek bat egin zute. Merkatuari dagokionez, kanpoko merkatuan bideratzen dira salmenta gehienak, izan ere pasa den ekitaldian adibidez salmenta orokorren %81 kanpokoak ziren.

Gaur egun 158 langile dira guztira eta nahiz eta azken urteotan ez den kopuruz gehiegi aldatu, langilegoaren batez bestekoa gaztetu egin da nabarmen.

Beste sarituak

Beasaingo Indar enpresari eman dio "Gipuzkoako Enpresaren Saria" Gipuzkoako Enpresaren Sarien banaketaren XXIII. edizioan, enpresek aberastasuna eta lana sortzeko egiten duten lana goraipatzen den ekitaldian.

Indarrek izan duen gainditzeko ahaleginak egin dio urteko "Gipuzkoako Enpresa" sariaren irabazle. Kontutan izan da 2014ean emaitza adierazgarriak lortu dituela, 2008an munduko krisiari, sektore eloikoko inbertsioen erortzeari eta euren instalazioetan jasandako suteari aurre egin behar izan ziotela.

Enpresa Nazioartekotzeari saria Mendaroko RTS, S.A -rentzat izan da. Oraingo honetan Gipuzkoako Bazkundeak enpresa honen kudeaketa bikaina eta nazioarteko merkatuengatik egindako apustua izan du kontutan saria ematerakoan.

Donostiako, Nem Solutions, enpresak berriz, Gipuzkoako Zerbitzu Enpresa saria jaso du, industria mantenimenduaren kontzeptu berritzaile eta teknologikoengatik.

Ekitaldia Gipuzkoako Bazkundearen egoitzan burutu da. Bertan Martin Garitano, Gipuzkoako Aldun Nagusia izan da, Gipuzkoako ekonomiaren eta enpresen ordezkaritza zabal batekin batera.

Argazki gehiago hemen: https://www.flickr.com/photos/tulankide/sets/72157649048924814/