Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Eskoriatzako ferixia bihar egingo da
Goizean goiz irekiko dira postuak etxaflero jaurtiketarekin eta txistularien kalejirarekin. Aurten ere, saltokietan baserriko produktuak, artisautza-lanak eta tresneria ugari eta anitzak ikusi eta erosi ahal izango dira. Txistulariek ekingo dioten jai-girotzeari eta ondoren, Urkabustaizko joaldunek eta trikitilariek hartuko diete lekukoa. Urteroko txapelketak ere ez dute huts egingo: gazta dastatzea ikastola parean egongo da, txorimalo lehiaketa 18.ez antolatuko da eta, jakina, feriako postuentzat ere izango da saririk. Horiek guztiak 14:00etan banatuko dira herriko plazan. Arratsaldean, berriz, beste txapelketa bat, txapel-jaurtiketarena, hain zuzen ere; aurten, bosgarrenez. Gazta txapelketan zortzi gazta lehiatuko dira, eta txorimalo lehiaketan 41 txorimalo sortuko dituzte taldean 197 umek.
Haur eta gazteentzako tailer eta puzgarriak Santa Marina plazan jarriko dira
Haur eta gazteentzako tailer eta puzgarriak Santa Marina plazan jarriko dira, eta ikuskizunik ez da faltako. Arizmendi Ikastolako abesbatzak, esaterako, “Herrika kantuan” emanaldia egingo du ikastola parean. Maider Belategiren Art-Fusion erakusketa ere ikusgai izango da, Eskoriatzako dantza taldearena ere bai…. Herri bazkariaren ostean, berriz, AZ gaubelarekin, emanaldia.
Eskoriatzako feria Arizmendi Ikastolak antolatzen du hainbat eta hainbat elkarte zein herritarren laguntzari esker, hala nola, Eskoriatzako udala, herriko taldeak, komertzioak eta ikastolako irakasle eta familiak.