Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
"Erreminta informatikoari esker berme osoko datu base bat izango dute nekazariek"
Urrian iritsi zen Ander Arandia Laranjeiras do Sul-era (Paraná- Brasil). "Asko harritu nindun bertako biztanleen azal koloreak. Gerora jakin dut XX. mende hasiera inguruan, Alemania, Polonia, Italia, Lituaniatik… etorritako bizilagunez eraikitako hiria dela Laranjeiras. 70 bat urte bete berri dituen hiri “europearra” ei da. Eta horrek harritu ninduen izugarri".
70 bat urte bete berri dituen hiri “europearra” da Laranjeiras
Mondragon Unibertsitatean informatika ikasketak egiten dihardu eta Mundukideren bitartez karrera amaierako proiektua garatzera joan zen Brasilera. "Lehenengo asteetan unibertsitateko eginbeharrekin aritu banaiz ere, hurrengo asteetan proiektuarekin sartu naiz buru-belarri eta zenbait ekintzetan parte hartu nuen".
Proiektuaren muina da Brasilgo errealitatean frogatzea Mundukideko informatikariak sortutako erreminta informatikoa. Erreminta horren helburua da Red-Ecovida sareko kide diren familia nekazarien produktuen datu base bat sortzea.
helburua da Red-Ecovida sareko kide diren familia nekazarien produktuen datu base bat sortzea
Red-Ecovida izeneko sareak, nekazarien ziurtagiri ekologikoen gestio lanak burutzeaz gain, Brasil hegoaldeko produktuen merkaturatze lanak bultzatzen ditu. Hala ere, nekazariek diotenez, merkaturatze lanak dituen konplexutasunak medio, Red-Ecovidak ba omen du arlo horretan zer hobetu.
Anderrek garatu duen proiektuarekin, Red-Ecovidak produktuak merkaturatzeko gestio lanetan duen hutsunea hobetzen saiatuko dira. "Badirudi une aproposenean etorri naizela; Zigilu ekologikoa lortzeko bidean dauden familien datuak eguneratzen ari gara-eta, eta nik informazio guzti hori erreminta elikatzeko erabili ahal izango dut".