Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Eroskik likidezia hartu du zorraren amortizazioari aurre egiteko
300 milioi euroko aktibo ez-estrategikoen desinbertsioarekin lotutako zor zatiaren amortizazioari aurre egiten ari da Eroski, GONURI HARIZARTEAN SL Higiezin Sozietatean zuen finantza inbertsioa berreskuratuta. Operazio horri gehitu behar zaio erdialde-hegoalde horretan dagoeneko egina zuen supermerkatu sailaren desinbertsio operazioa, 2015. urtean gauzatua.
Eroskik supermerkatu sail baten salmenta bururatu zuen erdialde-hegoaldean, 143 milioi eurotan
Aipatu Higiezinen Sozietateak, zeinetan Eroski %45en jabe den, higiezin aktibo sail bat saldu berri du 358 milioi eurotan. Operazio horri esker, Eroskik sozietate horretan zuen finantza inbertsioa berreskuratu du, eta horrek likidezia bolumen esanguratsua ematen dio, zeina zor finantzarioaren amortizaziorako erabiliko duen.
Eroskiko finantza zuzendari Jose Ramon Anduagak oso baikortzat jo du GONURI HARIZARTEANek higiezin aktiboak saltzeko egin duen operazioa, noiz eta Espainian higiezinen merkatuak jarduera bolumenaren zati inportante bat berreskuratu duen honetan. "Higiezin sozietateetako inbertsio finantzarioetatik itzuli zaigunari esker, bermeekin egin ahal izango diegu aurre finantza berregituratzeko akordioan bankuarekin hartutako konpromisoei", esan du Anduagak amaitzeko.
Iaz, gainera, Eroskik supermerkatu sail baten salmenta bururatu zuen erdialde-hegoaldean, 143 milioi eurotan. Operazio horren helburua zera zen, zor finantzarioa gutxitzea eta Taldearen errentagarritasun globala hobetzea, konpainiaren batez bestekotik beherako efizientzia zuten ratioetako aktiboak bereizita. Operazio horiekin, konpainia ari da Plan Estrategikoa betetzen, non indarguneetan gehiago oinarritzen den eta errentagarriagoa den Taldea lortzea bilatzen duen.