Eroskik eta haren bezeroek 23 milioi euro bildu dituzte elkartasun kausetarako

Eroskik eta haren bezeroek 23 milioi euro bideratu zituzten iaz, 370.000 pertsona baino gehiagori laguntzeko 370 gizarte erakunderen bitartez, Eroskiren Elkartasun Planean garatutako ekimenei esker.

"Eroskik gizarte bidezko eta solidario bat lortzen lagundu nahi du; konpromiso hori hastapenetatik dago jasota gure balio korporatiboetan. Bezeroei eskerrak eman nahi dizkiegu, beste urte batez elkartasuna erakutsi baitiete kolektiborik behartsuenei eta denon artean laguntzeko ekimen guztietan parte hartu baitute", azaldu du Eroskiren Osasun eta Iraunkortasun arloko zuzendariak, Alejandro Martinez Berriochoak.

Eroskiren Elkartasun Planeko ekimen nabarmenen artean, elikagaiak biltzeko kanpaina dago, joan deneko 27 urtean baino gehiagoan aldian behin antolatzen duena bere dendetan Elikagaien Bankuen Espainiako Federazioarekin batera. 2024an, Eroskik eta haren bezeroek 2.000 tona janari baino gehiago eman zituzten dohaintzan Udaberriko Bilketan maiatzean eta Bilketa Handian azaroan; hau da, 1.269 familia urtebetez elikatzeko 4,6 milioi otordu baino gehiago. Bazterketa arriskuan den edo zailtasun ekonomikoan dagoen jendeari emateko baliatu zituzten.

Kopuru horretaz gain, 2.700 tona eman ditu Zero Zabor programaren bitartez, hau da, 11 milioi otordurekin 2.900 familia elikatzearen parekoa: Eroskik baldintzarik onenetan dauden produktuak soilik eskaintzen dizkie bezeroei; hori dela eta, elikagai freskoren batek freskotasuna zertxobait galdu badu edo ontziren bat ez badago behar bezala (kolpetxo bat duelako, adibidez, edo bilgarria apurtu zaiolako), kendu egiten du saltokietatik, eta programa honetan parte hartzen duten erakundeei ematen die. Eroskik emandako elikagai guztiak beti daude iraungitze edo kontsumitze dataren barnean, eta kontsumitzeko egoera ezin hobean.

Era berean, Eroskik Elkartasun Zentimoak programa iraunkorra du; horren bitartez, bezeroek zentimo batzuk gehitu ditzakete erosketa tiketean, eta kopuru hori unean-unean aktibo dagoen kausa sozialerako eman. 2024an, bezeroek ia 1,2 milioi euro eman zituzten, zortzi milioi dohaintza baino gehiagoren bitartez, zenbait proiektutan laguntzeko, besteak beste, haurrei, ingurumenari, minbizia dutenei, adinduei, bazterketa arriskuan direnei, desgaitasunak edo gaitz degeneratiboak dituztenei eta genero indarkeriaren biktimei. Ia 120.000 lagunek baino gehiagok jaso dute laguntza hori 61 gizarte erakunderen bitartez.

3.700 laguni baino gehiagori (langileei, bezeroei eta herritarrei oro har) kontsulta eginda, zeinei 562 elkartasun proiektu aurkeztu baitzitzaizkien, Eroskik honako kausa hauek hautatu ditu 2025ean Elkartasun Zentimoen programaren bitartez laguntzeko: haurrak edo minbizia dutenak, genero indarkeriaren biktimak, gaitz degeneratiboak edo arraroak dituztenak, desgaitasuna dutenak, egoera zaurgarrian diren familiak edo adinekoak, ingurumena eta etxerik ez duten animaliak.

Elkartasuna agertzeko beste ekimen batzuk

EROSKIk emergentziazko laguntza kanpaina puntual bat egin du: Danaren eragin suntsigarriekin kaltetu direnentzako laguntza kanpaina, zeinek herrialdeko autonomia erkidegoa jo eta kalkulagaitzak diren kalteak kausatu baitzituen materialetan gizaldi honetako tanta hotzik okerrenean. Eroskik milioi erdi euro biltzea lortu zuen, eta Gurutze Gorriaren bitartez bideratu zizkien kaltedunei.