Eroski Fundazioak elikadurari eta osasunari buruzko dibulgazio-proiektu berria abiarazi du

Fundazioaren Elikadura Eskolaren ekimenak bi helburu nagusi ditu: gizarte-eragile guztiak sentsibilizatu eta elikadura osasungarria lantzeko benetako aldaketa sustatu.
Card image cap
2025/04/02

Eroski Fundazioaren Elikadura Eskolak jarduera-ildo berri bati ekin dio, osasunaren ikuspegitik elikadurari buruzko datuak aztertzeko urteko azterketa-plan bat ezartzen duen dibulgazio-proiektu bat abiarazita. Helburua da, ebidentziatik abiatuta, gizarte-intereseko gaietan sakontzea eta elikatze-ohitura osasungarriak hartzearen garrantziari buruzko hezkuntza eta sentsibilizazioa bultzatzea.

Elikadura-ohiturek biztanleriaren osasunean nola eragiten duten jakiteko ezagutza "egiazkoa eta eskuragarria" sortzea da proiektu honen helburua. Ekimenak funtsezko alderdiei buruzko ulermen sakonagoa sustatu nahi du, hala nola elikagaien gardentasuna, kontsumo-ohiturak eta elikadura osasungarriko politikak. "Helburua, epe ertain eta luzera, gizartea sentsibilizatzea eta elikadura ulertzeko eta jorratzeko  benetako aldaketa sustatzea da. Bereziki, eragin positiboa sortu nahi dugu haurren obesitatearekin lotutako arazoetan eta egungo gizarteari eragiten dioten beste osasun-gai batzuetan", azaldu du Eroski Fundazioko Elikadura Eskolako zuzendari Alejandro Martínez Berriochoak.

Elikadura-ohiturek biztanleriaren osasunean nola eragiten duten jakiteko ezagutza "egiazkoa eta eskuragarria" sortzea da proiektu honen helburua.

Ekimena garatzeko, hainbat iturritatik (publikoak zein barnekoak) datozen datuen azterketa sakona egingo da, eta, horri esker, elikadura-portaerari buruzko azterketa zorrotzak egin ahal izango dira. Azterketetan, besteak beste, herritarren kontsumo-ohiturak, nutrizio-etiketen eragina edo elikagai-erabakietan iraunkortasuna bezalako faktoreek duten eragina aztertuko dira.

Emaitza publikoak

Ikerketen emaitzak jendaurrean zabalduko dira, Fundazioaren webguneko argitalpenen, sare sozialen eta ohiko beste komunikazio-kanal batzuen bidez. Gainera, topaketa eta ekitaldi informatiboak egingo dira aurkikuntza horiek komunitatearekin partekatzeko eta landutako gaiei buruzko eztabaida informatua sortzeko.

Duela gutxi aurkeztu den lehen ikerketa "Nutrizio-etiketatze aurreratuko sistemak nutrizio-ohituretan duen eraginari buruzko azterlana" da. Lan honek, hiru urtetan zehar produktu horien salmenten bilakaerari eta nutrizio-osaerari buruzko datuen analisian oinarrituta, elikadura osasungarriaren piramidearen kategoria bakoitzean sailkatuta, argi eta garbi erakusten du erosketa-saskiaren nutrizio-kalitatean duen benetako eragina.

Datuek egiaztatu dutenez, nutrizio-konposizio onena duten produktuek, Nutri-Score nutrizio-etiketa aurreratuaren arabera, parte-hartzea irabazten ari dira eta erosketa-saski osasungarriagoa bultzatzen dute. Eroski Fundazioak "nazioarteko erakunde ospetsuekin, UNICEFekin eta WWFrekin esaterako, lankidetza-ibilbide sendoa du", eta aliatu berriekin batera jarraituko du lanean gizarte-garrantzia duten gaiak ikertzen. Ikuspegi "independentea eta zorrotza" du, "azterketak eta dibulgazioak beti datu egiaztatuetan eta analisi objektibo batean oinarrituko direla ziurtatuz", adierazi du.

Datuek egiaztatu dutenez, nutrizio-konposizio onena duten produktuek, Nutri-Score nutrizio-etiketa aurreratuaren arabera, espazioa irabazten ari dira eta erosketa-saski osasungarriagoa bultzatzen dute

Urtean zehar, Eroksi Elikadura Eskolak hainbat ikerketa egingo ditu elikadura osasungarriarekin, kontsumo-ohiturekin, iraunkortasunarekin eta nutrizio-hezkuntzarekin lotutako gaiei buruz. Azterketak aldian-aldian eguneratuko dira, proiektua osasunaren eta elikaduraren arloko egungo behar eta erronkekin lerrokatuta mantentzeko.

Banaketa komertziala