EMEZTIM, STEM hezkuntza sustatuko duen chatbota

Ekimenaren helburua da emakumeen gaitasunei buruzko aurreiritzitako estereotipoak haustea eta Gipuzkoako gazteen artean STEM ikasketak sustatzea, bereziki emakumeen artean. Arteman Komunikazioak, ISEArekin (Garapen Teknologiko, Berrikuntza eta Ekintzailetza Zentroa) eta Fulsion enpresarekin batera garatutako proiektua da. Gainera, Arizmendi Ikastolak eta Kurtzebarri Eskolak ere parte hartzen dute.

Juan Mari Okina, ISEA S.Coop-eko ikertzailea eta Arantzazu Lagunilla, Artemaneko zuzendaria.

Proiektua, talentua suspertzeko TALENTUA-IKASKUNTZA programaren barruan dago; Gipuzkoako Foru Aldundiko Sustapen Ekonomiko, Turismo eta Landa Ingurunearen Departamentukoa. Programaren helburua da pertsonen gaitasunak sustatzea, enpresa, gizarte eta lurralde-balio partekatua sortzeko.º

Aurkezpen-ekitaldia urriaren 28an egin da ISEAren Arrasateko instalazioetan, eta bertan izan dira Arantzazu Lagunilla Arteman Komunikazioko zuzendaria, Joan Mari Okina ISEA-ko ikertzailea eta Iker Estensoro, Gipuzkoako Foru Aldundiko Sustapen Ekonomikoko zuzendaria, inguruko hezkuntza- eta industria-komunitateko beste eragile batzuekin batera.

EMEZTIM proiektuaren helburua da mundu teknologiko eta digitaleko loturari dagokionez genero-desorekari zuzenean eragiten dioten eta hura baldintzatzen duten genero-estereotipo eta eragin sozialetara iristea.

STEM bokazioak sustatzea

Duela urte batzuetatik hona, STEM hezkuntza lehentasun bihurtu da mundu osoko liderrentzat, batik bat bermatzeko gazteak gai izango direla ezagutzan eta teknologian oinarritutako ekonomia globalizatuan lehiatzeko. Izan ere, herrialdeen garapen egokia bermatuko duten etorkizuneko lanbideak aztertzeko garaian, adituek bat egiten dute STEM lanbideak balioan jartzen.

Bitxia bada ere, enpresen behar horiek ez datoz bat STEM tituludunen kopuruarekin. Izan ere, garrantzi handia izan arren, STEM bokazioak ez dira beste bestekoak, eta, gainera, emakumeen kasuan, are gutxiago. Emakumeek STEM arloekin lotutako lanpostuen %25 baino gutxiago betetzen dute.

Gure enpresen etorkizuneko lehiakortasuna eta gure ekonomiaren eraldaketa digitala profil digitalen, zientifikoen eta teknologikoen eskaerari erantzuteko dugun gaitasunaren araberakoa da. Horregatik, funtsezkoa da STEM bokazioak sustatzea, bereziki nesken eta gazteen artean, STEM arloetan 4.0 talentua eta generorik gabeko lidergoa sustatzeko.

Metodologia berritzailea

Halaber, eta proiektuaren ildo berritzaileari jarraituz, EMEZTIMek metodologia berri bati jarraitzen dio. Metodologia horretan, irakasleen eta ikasleen ohiko rolak atzean geratzen dira, gazteek beren ikaskuntzaren ardura har dezaten eta irakasleek bidean lagun dezaten. Proiektu osoa ChatBot-en sisteman oinarritzen da, adimen artifizialarekin funtzionatzen baitu. Sistema horren bidez, parte-hartzaileek laguntza eta orientazioa izango dute prozesuan zehar, erritmoa jarraitzeko.

Helburua da ikasleek uler dezatela, beren kabuz, badirela emakumeen benetako estereotipoak ikasketak hautatzeko prozesuan, eta, hala, beraien etorkizuna ez baldintzatzea da helburua.

EMEZTIMek balioan jartzen ditu historian zehar emakumezko zientzialariek izan dituzten lorpen eta garrantziak, Espainian egin eta berriki argitaratu den Frontiers in Psycologyk azterketarekin bat etorrita. Azterlan horrek berresten du “estereotipoen mugak gainditzeko modu on bat STEM esparruko kide izatearen zentzua handituko duten eredu femeninoak izatea dela, eta lana arrakastaren giltzarria dela” ideia indartzen dutela.

Erraza, hezigarria, dibertigarria

EMEZTIM proiektuak bere estrategia artikulatu nahi du, azken joera teknologikoak, multimedia, chatbot-ak eta mezularitza-kanalak integratzeko aukera ematen duen potentzialaren gainean, eduki interaktiboen eredu berri bat garatzeko, batik bat motibatzaileak.

4 fase ditu:

1. FASEA: Analisia eta autokontzientzia.

2. FASEA: Emakumeek zientzian duten zeregina ikusaraztea.

3. FASEA: Hurbileko esperientziak eta erreferenteak.

4. FASEA: Orientatu eta Argitu.

300 minutu interaktibo baino gehiago dira, eta publiko gazteenak bot-arekin elkar eragin ahal izango du. Material guztia euskaraz eta gaztelaniaz dago eskuragarri. EMEZTIM proiektua garatu den azken urtean jasotako esperientziak eta iritziak positiboak izan dira, bai irakasle zein ikasleen aldetik.

Proiektuaren bidez, haur eta gazteak inspiratu eta ahalduntzea lortu nahi da, beren talentua garatu eta zientzia, teknologia, ingeniaritza eta matematikaren arloetan karrera profesionaletan aurrera egin dezaten.

Informazio gehiago: https://www.emeztim.eus