Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Ekonomia soziala aztergai Oñatiko Soziologia Institutuak antolatutako nazioarteko kongresuan
Oñatiko Soziologia Institutuak antolatutako kongresuan ekonomia soziala, erantzukizun korporatiboa, jabetza pribatua eta partenariadoa, lan eskubideak eta kooperatiben errealitatea izango dira aztergai. Horretarako mahai-inguruak eta hitzaldiak antolatu dira.
Mundu osotik bertaratu dira Oñatira aditu eta entzuleak; besteak beste Euskal Herritik, Errusia, Brasil, Norvegia, Portugal, Uruguai, Argentina, Txile, Mexiko edo Estatu Batuetatik. Hizlari eta entzuleen artean 120 lagun inguruk esku hartuko dute kongresuan. Aurtengo edizioan aurkeztuko diren 87 ponentziek gizarte ekonomia dute ardatz eta bereziki pertsonei lehentasuna ematen dieten jarduera ekonomikoak eta antolaketa zein erakundeak aztertuko dira.
Alternatibak bilatzea
Krisi garaian behar-beharrezkoa da hausnartzea eta orain arteko negozio-bideen aurrean alternatibak bilatzea, ideia eta berrikuntza sakonak landuz. Badaude urte luzez dirauten esperientziak, krisi garaiei ere aurre egin diotenak, lana mantenduz eta bizitzeko baldintzak hobetuz. Horren adibiderik argiena da MONDRAGON Korporazioa. Ondo asmatu du globalizazioaren aurrean birmoldatzen baina, era berean, erronka berriak ditu aurrez aurre eta etengabe ari dira bide berriak urratzen eta ekintzailetasuna sustatzen, besteak beste herririk txiroenetako bilakaera ekonomikoa bultzatu asmoz.
EHUren Udako Ikastaroen barne
Antolakuntzan Mondragon Unibertsitateak, Deustuko Unibertsitateak eta Euskal Herriko Unibertsitateak esku hartu dute, hain justu ere, 2006 urtetik hona EHUko Udako Ikastaroen barruan eskaintzen da Kongresua eta bertan parte hartzeak 30 orduko balio akademikoa du. Informazio gehiago aurki daiteke www.iisj.net webgunean.
Uztaileko zenbakian Sol Picciottori elkarrizketa
TU lankide aldizkariaren paperezko bertsioan ekonomia sozialaren gaineko kongresua mintzagai izango da, eta kongresuaren balorazioa eskatuko diogu Oñatiko Soziologia Institutuko zuzendari zientifikoa den Sol Picciottori.