Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Ekokilometroak, mugikortasun jasangarriaren aldeko ekimena
![Card image cap](https://www.tulankide.com/eu/ekokilometroak-mugikortasun-jasangarriaren-aldeko-ekimena/@@images/fb2d2dd1-2d62-4fc2-94ca-84c80d7ae662.png)
ULMA Fundazioak abian jarri duen fidelizazio ekimen hau, etxetik lanera eta lanetik etxera joan-etorriak modu jasangarrian egiten dutenak saritzeko. Ekimenaren mekanika hauxe da: modu jasangarrian egindako kilometro bakoitzagatik puntuak eskuratuko dira eta puntu horiek batuta opariengatik trukatu ahal izango dira.
Batez ere lan lekutik hurbil bizi eta lanerako joan-etorriak autoan egiten dituzten pertsonentzat pentsatuta dago, ohitura osasungarriagoak eta jasangarriagoak sustatzeko eta Oñati leku garbiago izaten eta bertan auto gutxiago ibil daitezen laguntzeko.
Autoa etxean utzi!
ULMAk Oñatin dituen negozio guztiek bidegorria dute, beraz, oso erraza da bertara autorik gabe iristea. Oinez, bizikletan edo patinetan joan daiteke; ariketa egiteko moduak dira, bai eta aire garbia arnasteko, ez kutsatzeko eta lanean hasi aurretik bideaz gozatzeko moduak ere. ULMAk LanBus zerbitzua jartzen du doan Oñatin dituen langileen eskura, eta autobus zerbitzu hori erabiliz ere batu daitezke puntuak. Eta urrutiago bizi eta nahitaez autoa hartu behar duten pertsonentzat, autoa konpartitzea da aukera. Horrela ere eskuratu daitezke puntuak.
ULMAk oparien katalogo bat prestatu du puntu horiekin trukatzeko: Eroskin, Forum Sporten, Arrasateko Ereindajan dendan erosketak egiteko edo Oñatiko MU Enpresagintzako kafetegian doako gosariak egiteko opari txartelak dira une honetan jada eskuragarri dauden oparietako batzuk.
Programa hau Ciclogreenen laguntza teknikoarekin jarri da abian, mugikortasun jasangarria saritzen diharduen enpresa baita. Asko dira jada beren kolektiboentzat antzeko programak martxan dituzten enpresak. Esaterako, Seur, Decathlon, HP edo Carrefour dira horietako batzuk, eta ikasleen joan-etorri jasangarriak saritzen ari diren unibertsitateak ere asko dira.
Ingurunea eta bere pertsonak zaintzeko ULMAk abian jarri duen #keinujasangarri bat gehiago da.
www.ekokilometro.ulma.com helbidean informazio guztia biltzen da: momentuko datu eta estatistikak, opariak,...