Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Ekintzailetasun saria 'Arizmendiko Neskak' taldearentzat
![Card image cap](https://www.tulankide.com/eu/ekintzailetasun-saria-arizmendiko-neskak-taldearentzat/@@images/aa8f076e-7289-4104-bf69-234e126ba04a.jpeg)
Iragan asteburuan jokatu zen Euskal Autonomia Erkidegoko First Lego Leagueko kanporaketa Zamudion, eta 33 taldek parte hartu zuten txapelketan. Horietako hiru Arizmendi Ikastolakoak. Partaideek hiru froga egin behar izaten dituzte lehiaketa horretan: alde batetik, bi aurkezpen (aurkezpen zientifiko bat eta tekniko bat) eta bestetik, sortutako robotari misio batzuk eginarazi behar dizkiote.
Robotaren misioak
Bada, robotaren misioetako frogan Arizmendi Ikastolako talde bat laugarren geratu zen, Gaztelupeko DBHko taldea, hain zuzen ere, Arizmendi-Ikerlan taldea. Sailkapen nagusia osatzeko robotaren frogaz gain, beste biak ere kontuan hartzen dira, eta tamalez, Arizmendiko taldeak ez ziren aurreneko hiruen artean izan.
Ekintzailetasunaren saria
Era berean, beste sari batzuk banatzen dira lehiaketa horretan, tartean, Ekintzailetasunaren Saria. Arizmendi Ikastolako talde batek jaso zuen sari hori. Batxilergoko neska taldea (Arizmendiko Neskak) nabarmendu zuen epaimahaiak, besteak beste, zailtasunen aurrean erakutsitako jarrera eta interesagatik. Oro har, egindako lanarekin oso pozik etorri ziren guztiak, irakasleak zein ikasleak, eta aurrerantzean ere ilusio berarekin jarraitzeko irrikaz.