Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Eikak aurrera egin du isolamendu termikorako gaitasun handiagoa duten materialen garapenean
![Card image cap](https://www.tulankide.com/eu/eikak-aurrera-egin-du-isolamendu-termikorako-gaitasun-handiagoa-duten-materialen-garapenean/@@images/886d3969-e98d-44e2-a380-0281f2e5c490.jpeg)
Eikak, egoste elektrikorako osagai eta sistema integralak (plakak eta labeak) ekoizten dituen kooperatibak, aurrera jarraitzen du bere produktuetan berrikuntzak eta balio erantsia eskaintzeko aukera emango dioten ikerketa lerroetan.
Ikerketetan antzemandako zenbait arazori erantzuteko, Eikak eraginkortasun handiko isolamendu termikoetarako egitura nanoporotsuak dituzten material konposatu berriak garatzeko proiektua jarri zuen martxan. CEIT, BRTA aliantzan integratutako zentro teknologikoarekin lankidetzan egina, Eusko Jaurlaritzaren Gaitek programak bi urtez lagundu zion proiektuari, eta Euskal Autonomia Erkidegoko EGEF 2014-2020 Programa Eragilean sartu da.
Aplikazio-sorta etxetresna elektrikoak ez diren sektoreetara dibertsifikatzeko, kooperatibak hainbat berrikuntza egin zituen proiektu horretan; besteak beste, lehengai berriak aztertu eta aukeratu zituen merkatuan eskuragarri zeudenen artean (zuntz eta hauts zeramikoak), erreferentzia gisa gaur egun erabiltzen diren materialak hartuta, eta ekoizpen-ibilbidea ikertu zuen, lehengai berri horiek sartzeko, aplikazio desberdinek eskatzen dituzten eskakizun termomekanikoen arabera. Eikarako funtsezkoak diren bi aplikaziotan sortutako material berriak ere baliozkotu ziren: gune erradiatzaileetarako isolamenduak eta panel isolatzaileak.
Aldaketa horien ondorioz, enpresak “Egoste-plaka bati, bereziki bitrozeramikazko plaka bati, egokitutako foku erradiatzaile elektriko” baten jabetza industriala erregistratu du, lortutako eraginkortasuna hobetzea aldarrikatuz.
Artikulu originala, gazteleraz, hemen argitaratu da: Estrategia Empresarial.