Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Eguraldi txarrari... Elkartasunez erantzun!
![Card image cap](https://www.tulankide.com/eu/eguraldi-txarrari-elkartasunez-erantzun/@@images/f91c8241-7ed0-4878-a981-cab6fe5b921a.jpeg)
"Elkartasuna jokoan denean, eguraldiak ez du axola", hori da iragan igandean Urkulura gerturatu ziren kooperatibistek pentsatu omen zutena. Eguna gris antza esnatu zen, euritsu eta ohean geratzea Urkulura joantea baino tentagarriagoa zirudien. Hala ere, asko izan ziren Mundukidek antolatutako lasterketara gerturatutakoak, eta Mozanbikeko nekazariei elkartasuna adierazi nahi izan zietenak.
Fagor Automation Koop. Elkarteko ordezkariak.
Goizeko 10:30ean hasi zen oinezkoen ibilaldia, 6,3 kmko bidea egiteko desiatzen abiatu ziren oinezkoak. Ondoren, goizeko 11etan lasterkarien txanda izan zen.
Iazko lepotik burua
Parte-hartzeari dagokionez, iazkoaren oso antzekoa izan zen, eta guztira 28 talde aritu ziren nor baino nor. Gizonezkoen kategorian 10 talde abiatu ziren, 12 talde mistoak izan ziren eta beste sei emakumezkoen kategorian aritu zirenak. Guztiak harro, euren enpresa kooperatibetako elastikoak soinean, zapatilak ondo lotu eta ziztu bizian abiatu ziren, sei kilometro eta hiruehun metroko bidea egiteko asmoz.
Edonola ere, kirolaren sustapena baino, igandeko saioan elkartasunaren sustapena da nagusi, eta hori da, hain justu ere, Mundukideko ordezkariek baloratzen dutena. "Debagoiendarrek eta 17 kooperatibak erakutsi duten konpromiso mailarekin oso harro eta eskerturik gaude" adierazi zuten fundazioko kideek.
Sailkapena
Sailkapenari erreparatuz gero, talde mistoetan Silvia Trigueros, Mario Iglesias eta Aitor Atxa izan ziren azkarrenak, Fagor Ederlan kooperatibakoak. Emakumezkoen kategorian Ane Beraza, Leire Roldan de Arangiz eta Olatz Manuel Athlon-eko ordezkarian izan ziren irabazleak, eta gizonezkoen kategorian Fagor Elektronikako hiru 'galgo'; Beñat Arnazi, Ander Rike eta Xabier Arrizabalaga.
Denbora ofizialak
Emakumezkoen kategorian
1.- Athlon: 29'55¨
2.- Copreci: 34'45¨
3.- Alecop: 37'36¨
Gizonezkoen kategorian
1.- Fagor Elektronika: 26'42¨
2.- Copreci: 26'55¨
3.- Ecenarro: 30'36¨
Talde mistoak
1.- Fagor Ederlan: 28'17¨
2.- Fagor Elektronika: 34'04¨
3.- Ecenarro: 35'18¨