Finkatzeko elementuak eta pieza bereziak
Automozio osagaiak
Aluminiozko hagunen fabrikazioa
Mondragon Unibertsitateko ingenieritza fakultatea
Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
EDERTEKek hitzarmena izenpetu du Mondragon Unibertsitateko Goi Eskola Politeknikoarekin
![Card image cap](https://www.tulankide.com/eu/edertekek-mapsak-eta-ecenarrok-hitzarmena-izenpetu-dute-goi-eskola-politeknikoarekin/@@images/ab3a751f-c43a-49ef-ada2-3ee997e41cf1.jpeg)
Mondragon Unibertsitatearen lankidetzazko ikerketa, transferentzia eta prestakuntza ereduari jarraituta, ikerketa talde bat eratuko da, erakunde bietako ikertzaile eta teknikariekin, ikerketa bikaintasunez garatzeko, ondoren, EDERTEKeko bazkide-erabiltzaileei transferitzeko. Hitz batean, proiektu honekin EDERTEKek eta bere zerbitzuen erabiltzaileak diren enpresek lehiarako duten posizioa hobetuko da.
Lankidetza hitzarmenean, halaber, aurreikusten da EDERTEKen eta MU-GEPeren artean baterako ikerketa programak egitea eta ezagutzak trukatzea.
Lankidetza MU-GEPek Arrasateko campusean duen eraikinean garatuko da. Eraikinak, berriz, bi gune berezituak edukiko ditu. Lehenengo gunea partekatua izango da, eta bertan ikerketa proiektuak eta garapen esperimentaleko eta berrikuntzako jarduerak garatuko dira mekanizazio teknologietan, burdin galdaketan, goi eta behe presioko injekzioan, automobilgintzako osagai eta sistemen portaera mekaniko-dinamikoan eta 4.0 industriako tekniketan, ekoizpen planten efizientzia hobetzeko. Bigarren gunea EDERTEKentzat baino ez da izango, eta automobilgintzako osagai eta sistemen portaera mekanikoen saiakuntza laborategi moduan erabiliko da.
Hitzarmen horri esker, prestakuntza jarduera espezifikoak ere egingo dira, hala nola Gradu Amaierako edo Master Amaierako lanak ingeniaritzako tituludun diren gazteentzat eta doktoretza tesien programak.
Hitzarmen hau oso garrantzitsua da EDERTEKentzat, talentu gaztea atzitzeko eta erakartzeko mekanismoa eta Mondragon Unibertsitatearen Goi Eskola Politeknikoko ikasleen artean Fagor Ederlan, Mapsa eta Ecenarro enpresak sustatzeko modua baita.