Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
DOCs saio berriak ekoizpen konponbide eta aplikazioak aztertuko ditu
![Card image cap](https://www.tulankide.com/eu/docs-saio-berriak-ekoizpen-konponbide-eta-aplikazioak-aztertuko-ditu/@@images/ab52f3c8-1c15-4441-a1ea-f06be8b14664.jpeg)
Oraingo honetan, 2ACAD-ek ekitaldi bat aurkeztuko du, Autodesk, Ekide, Iruña Tecnologías eta Saiolanekin batera, 4.0 Industriaren edo Industria Adimendunaren ikuspegi osatu bat eskaintzeko.
Abiapuntutzat “smart factories” hartuta, produkziorako bitartekoak antolatzeko modu berri bat da, produkzioaren beharrak eta prozesuak hobeto egokitzeko, eta baliabideak efizientzia handiagoz esleitzeko. Digitalizazio horrek laugarren industri iraultza eragin du.
2aCAD eta Autodeskek Autodeskeko diseinuaren azken soluzioak azalduko dituzte, eta errealitate birtualera eta faktorien 3D eskanerrera hurbilduko zaitugu. Errealitate birtualean, erabiltzailea mu8ndu fisikoaren errealitate materialetik bakartzen da, eszenatoki edo ingurune erabat birtual batean “murgiltzeko”.
Puntako garapenak
Ondoren, Ekidek prozesuei balioa emateko moduaz jardungo du, ikusmen artifizialaren edo irudien prozesamenduaren prozesuen bitartez, izaera transbertsala kontuan hartuta. Funtsezko teknologia da 4.0 Industriaren garapenerako. “Produkzioaren begi” moduan, ikusmen artifizialak produkzio malguagoa ahalbidetzen du, produkzio fluxua kontrolatu daitekeelako piezaren ikuskapenaren bitartez.
Azkenik, Iruña Tecnologias etxeak robotika kolaboratiboaren merkatuetan dauden aplikazioan erakutsiko ditu, horren ezaugarriak izanik, besteak beste, malgutasuna, irisgarritasuna eta programatzeko erraztasuna. Robotika kolaboratiboak robot industrialen belaunaldi berri bat definitzen du, zeinek pertsonekin elkarlanean diharduten, espazio fisikoa konpartituz, robotika industrialaren aplikazio tipikoetan behar diren ohiko segurtasun murrizketarik gabe. Halaber, robotika mugikorraren logistikarako soluzioak ere erakutsiko ditu.
Agenda
8:30 – 9:00 Parte hartzaileen harrera
9:00 – 9:15 DOCs egitasmoaren aurkezpena - Angel Mari Etxabe – Saiolan SA
9:15 – 9:30 2ACAD aurkezpena - Manuel Monje – 2ACAD
9:30 – 10:15 Autodesk Diseinu eta Fabrikazio soluzioak - Oriol Llort – Autodesk
10:15 – 11:00 Nola gehitu balioa prozesuei ikusmen artifizialaren bitartez - Oscar Sevillano – Ekide
11:00 – 11:45 Kafea
11:45 – 12:30 Robotika kolaboratiboa eta Robotika mugikorra - Cesar Gonzalvo – Iruña Tecnologias
12:30 – 13:15 Errealitate birtuala, faktorien 3D eskanerra
13:30 – 15:00 Luntxa eta standetako bisita