Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Dikar kooperatibak industria nabea erosi du Garagartzan, eta 2023an bere jarduera hara eramango du
![Card image cap](https://www.tulankide.com/eu/dikar-kooperatibak-industria-nabea-erosi-du-garagartzan-eta-2023an-bere-jarduera-hara-eramango-du/@@images/7ae53e0f-4763-45bf-b5bb-ffe31eb9b87b.jpeg)
Pasa den ostegunean sinatu zen etorkizun hurbilean Dikarrek Arrasateko Garagartza auzoan okupatuko duen industria nabearen salerosketa.
Horrela, 2019ko azarotik hutsik dauden instalazio horien erabilera industriala suspertuko da, horrek dakarrenarekin eskualdeko enpleguaren eta ekoizpen jardueraren ikuspegitik.
72.000 metro koadroko industria nabe bat da Dikar kooperatibak –MONDRAGONen integratuta dago– erosi duena, kooperatibaren proiektuak hazten eta ingurunean enplegua sortzen jarrai dezan.
Kooperatiba ehizaren, kirol tiraketaren eta aire zabaleko kirolaren sektoreko hainbat markaren jabe da, eta bere asmoa da instalazioak egokitzea eta datorren urtean zehar Garagartzara eramatea bere jardueraren zatirik handiena.
Dikarri buruz. MONDRAGONen integratutako kooperatiba bat da. 1969an sortu zen, Eibarren, Bergaran kokatu da 1980tik, eta ehizaren, kirol tiraketaren eta aire zabaleko kirolaren sektoreetara bideratuta dago. Taldeak bi filial ditu Lawrencevillen (GA, USA) eta beste bat Aveiron (Portugal). Bulego zentralen eta filialen artean 250 pertsona baino gehiagoko taldea osatzen dute, bere marka desberdinen fabrikazioan, banaketan eta merkaturatzean jarduteko. 2021ean, Dikarren salmenta bolumena 90 milioi eurotik gorakoa izan zen, nazioarteko salmenten ehunekoa %97koa izanik.
Eta Ekide, San Andresera
Bestalde, Arrasateko Ekide enpresak Fagor Etxetresna Elektrikoen industria-nabearen zati bat erosi du San Andres auzoan. Ingeniaritzako eta fabrikazioko soluzioen, eta kontrol eta ikusmen artifizialeko tresnen garapenean eta fabrikazioan aditua den Ekidek 57.000 metro karratu eskuratu ditu, eta egokitzapen-fase bati ekin dio, bere jarduera hurrengo ekitaldian bertara eramateko.