Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Debagoiena lehen hamarren artean First Lego Leaguen
![Card image cap](https://www.tulankide.com/eu/debagoiena-lehen-hamarren-artean-first-lego-leaguen/@@images/80bee3a7-85a0-452a-a000-7bb55c5af8ab.jpeg)
Lehiaketak azpi multzoak zituen: robota eraikitzea eta proiektu zientifikoa defendatzea. Robota eraiki eta honek, tablero baten pean misio ezberdinak lortu behar zituen. Proiektu zientifikoan euren lana defendatu behar zuten.
Ilusioaren sariarekin itzuli ziren
Ilusioz hartu zuten Arizmendi ikastolako ikasleek (Ikerlan-Arizmendi) Bilboko txapelketa. Arrazoi hori medio saridunak izan dira bigarren urtez parte hartu duten lehiaketan. "Talde lana eta lehiaketa gogoz hartzea epaimahaiak saritu egiten ditu eta gu elkarlanaren ispilu izan ginen; grina handiarekin egin genuen lan", azaldu digu taldekide batek.
Beñat Irazabal entrenatzaileak lehiakortasun sano baten baitan, bere taldekoak eredugarriak izan zirela azpimarratu du. "Umorez, lan gogorra egiten aritu dira. Azken unean robotari aldaketak egiten ibili ziren eta hori oso positiboa da", gaineratu du.
Neskez osatutako taldea zazpigarren postuan geratu da, MGU-Arizmendi (Almen), aldiz, zortzigarren postuan. "Lehen aldia da soilik neskek osatzen dugun taldea aurkezten dela", kontatu digute Arizmendiko ikasleek.
Ikerlanen laguntza izan zuten neskek. Hala ere, beraiek ere gogor lan egin dutela esan digute. Hasiera batean kosta egin zitzaiela aitortu digute, baina programatzen jakin ostean martxa hartu zutela gehitu dute. "Azken bi asteak ikastolan pasa ditugu. Guztia amaitu behar genuen eta aparteko orduak sartu ditugu", gaineratu dute.
Entrenatzailea Teknologia ikasgaiko irakaslea da. Bere materiako orduez gain jolas orduetan lanean aritu direla esan digu. Anekdota bat ere bizi izan dute, "ikastetxea itxi eta barruan geratu ginen. Irakasle bati deitu behar izan genion ikastola ireki ahal izateko", azaldu digute neskek.
Entrenatzailea gustura lan-taldearekin
Lan-talde bezala "finak" direla esan digu Irazabalek. Ilusioz hartu dute lehiaketa eta uneoro egin duten lana hobetzen ahalegindu dira, baita txapelketan bertan ere.
"Nik lan-taldearen domina emango nieke, goraipatzekoa izan baita egin duten lana. Asko ahalegindu dira eta beraien lanagatik ez balitz, ez lirateke jaso duten sariarekin itzuliko", aitortu digu entrenatzaileak.