Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Ekintzaileekin ekintzailetasunaz ikasten lelopean hiru jardunaldi egingo dira Garaian
![Card image cap](https://www.tulankide.com/eu/dagoeneko-60-lagun-baino-gehiagok-eman-dute-izena-datorren-astetik-aurrera-garaia-berrikuntza-gunean-egingo-diren-hiru-jardunaldietarako/@@images/8efc6bcd-c69b-4d3f-a9ca-caf73aeb9149.jpeg)
Urriaren 9,16 eta 23an ekintzailetasunaren gaineko jardunaldiak egingo dira Arrasateko Garaia Berrikuntza Gunean. “Ekintzaileekin ekintzailetasunaz ikasten” lelopean antolatu da egitasmoa eta besteak beste sektore askotako ekintzaileak elkartuko dira Garaian: komunikazioa, osasuna, teknologiak… Esperientziak partekatuko dituzte eta proiektu ekintzaileak abian jartzeko aukerez eztabaidatuko dute: finantzazioa, talentu erakarpena eta gestio ereduak.
Era berean, hiru egunetako bakoitzean tailerrak ekintzailetasunaren fase ezberdinak aztertuko ditu: hasiera, kontsolidazioa eta hazkundea. Jardunaldien helburu nagusia da ekintzailetasun izaera bultzatzea eta enpresa berriak sortzea. Egitasmoa ikasleei, teknologia guneetako profesionalei, teknologoei, langabetuei… eta oro har negozio ideia interesgarria izan dezakeen edonori dago zuzenduta.
Izen ematea doakoa
Garaia Berrikuntza Guneak antolatu du eta Eusko Jaurlaritzako Ekintzailetasun Zerbitzuaren, Euskadi Emprenderen, babesa jaso du. Parte-hartzea doakoa da eta izen emate epea dagoeneko irekita dago. Hain justu ere, dagoeneko 60 lagun baino gehiagok eman dute izena datorren astetik aurrera asteartero egingo diren hiru jardunaldietan parte hartzeko. Egitaraua ezagutu nahi izanez gero eta informazio gehiago jaso nahi izanez gero, kontsultatu: http://inquietosinnovacion.wordpress.com/talleremprendizaje/