Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
COVID-19: LagunAroren Osasun Laguntza eta Aldi Baterako Ezintasuna
Osasun Laguntza
Dakizuenez, Koronabirusa osasun publikoko arazo bihurtu da, nazioarteko eraginarekin eta Osasun Zerbitzu Publikoak ari dira kudeatzen.
Ondorioz, mutualistaren batek gaixotasun horrekin lotutako osasun laguntza behar badu, Agintaritza Sanitarioen gomendioei jarraitu beharko dio; protokoloak eguneratuz joango dira egoeraren bilakaeraren arabera.
Horien artean, arnasbideen infekzioarekin bat datorren ezaugarri klinikorik balego, eta sintomak hasi baino 14 egun lehenago transmisio komunitarioko lekuetara bidaiatu badu mutualistak, edo egiaztatutako kasu batekin harreman estuan egon bada, telefonoz jarri beharko da harremanetan Osasun Zerbitzuko Kontseilu Sanitarioarekin:
- Osakidetza – Euskal Autonomia Erkidegoa 900 20 30 50
- Osasunbidea - Nafarroa 948 290 290
- edo 112.
Zerbitzu horietan beharrezkoak diren aholkuak jasoko ditu eta jarraitu beharreko pausoak zehaztuko dira.
Aldi baterako ezintasuna prebentziozko bakartzeagatik
Eusko Jaurlaritzak eta gainerako erakunde publikoek ezarritako irizpideei jarraituz, osasun publikoko agintaritzak eta horien profesional asistentzialak arduratuko dira zehazteaz zein den jarraitu beharreko prozesua infekzio susmorik balego, eta, dagokionean, eurek ezarriko dute bakartze prozesua eta dagokion aldi baterako ezintasuneko baja agiria emango dute, kontingentzia arruntagatik. Hori gertatuz gero, LagunArok hartuko du bere gain dagokion prestazio ekonomikoa.
Aurreko paragrafoan deskribatutako prozeduraz gain, Kooperatibak erabakitako prebentzio neurrien ondoriozko bakartze aldiak ez dira Aldi Baterako Ezintasuntzat hartuko.