Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Coprecik Batzar Orokor hunkigarrian Plan Estrategikoa onartu eta 50. urteurrena ospatu zuen
‘Emozio eta harrotasun’ sentimenduek definitzen dute pasa den larunbat eguerdian, Aretxabaletan, Copreci Koop. Elkarteko Batzar Orokorrean sentitu zena. Ekitaldi xumea izan zen, baina xehetasun guztiak ondo zaindu ziren, eta 500 bazkide baino gehiagok disfrutatu zuten egitasmoarekin.
Ekitaldia bi zatitan banatu zen, alde batetik 2013-2016 urte bitarteko Plan Estrategikoa onartu zen eta bestetik Kooperatibako lehen Errektore Kontseiluari omenaldia egin zioten.
500 pertsona baino gehiagok bete zuten esparrua.
Sustatzaileei omenaldia
Batzarra goizeko 10:30ean hasi zen, Ane Gaztañaga presidentearen aurkezpenarekin. Ondoren, TPAko Luis Oiarzabal eta Iker Fernandez dinamizatzaile eta aurkezleek hartu zuten hitza.
Zuzeneko musika izan zuen ekitaldiak. Bost musikarietatik hiru Copreciko bazkideak dira.
Lehenengo zatia azkar garatu zen; zuzeneko musikarekin, Arteman Komunikazioak ekoiztutako bideo historiko baten emisioarekin eta Copreciko Zuzendaritza Kontseiluaren aldetik Plan Estrategikoaren aurkezpenarekin. Javier Oleaga, Kooperatibako gerenteak egin zuen aurkezpena. Ondoren, momentu hunkigarriena iritsi zen, eta batek baino gehiagok ezin izan zion emozioari eutsi.
Alfontso Gorroñogoitia eta Jose Maria Ormaetxea.
Bigarren zatian, Jose Maria Ormaetxea MONDRAGON mugimendu kooperatiboko sustatzeile eta ULGOR-en fundatzaileak hartu zuen hitza. Ormaetxeak Copreciren 50 urteko ibilbidea egin zuen, Jose Maria Arizmendiarrietaren emaria gogora ekarrita eta balio kooperatibo garrantzitsuena gogoraraziz: Solidaritatea, ‘oraingo momentu estuan inoiz baino presenteago egon behar dela’ aipatuz.
Aranguren, Gaztañaga, Mendieta, Urzelai eta Domínguez, Copreciko lehen Errektore Kontseiluko kideak eta kooperartibaren fundatzaileak ekitaldia atentzioz jarraitzen dute.
Pedro Mendieta Copreciko lehen bazkideak eta proiektuaren bultzatzaileak ere hartu zuen hitza. Mendietak ezin izan zion emozioari eutsi kiroldegia betetzen zuten 500 pertsona baino gehiagoren txalo artean. Alfontso Gorroñogoitia mugimendu kooperatiboko beste sortzaile bat ere han izan zen.
Bazkaria
Ekitaldiaren ondoren, Copreciko langileek lunch txiki bat izan zuten UDAk (Aretxabaleetako Kirol Elkartea) eskainitakoa, Ibarra futbol zelaian, eta arratsaldeko hiruretan Ausolanek zerbitzatutako bazkaria hasi zen ekitaldia egin zen leku berean. Hori bai, jangela erraldoi bilakatuta zen. Bazkari alai eta dibertigarria, luzatu egin zen musikarekin, eta nahi izan zuenak festa jarraitu ahal izan zuen.
Argazki guztiak: http://www.flickr.com/photos/tulankide/